डा. सिके राउतलाई लहानमा यसरी गरिनेछ 'नागरिक अभिनन्दन'

न्यूज ब्यूरो, सिरहा । स्वतन्त्र मधेश गठबन्धनका सँयोजक डा. सिके राउतलाई सिरहाको लहानमा नागरिक अभिनन्दन गरिने भएको छ ।

नेकपाको सरकारसँग राजधानीको राष्ट्रिय सभागृहमा गरिएको ११ बुँदे सम्झौता बारे प्रष्टाउन तथा गठबन्धनको राष्ट्रिय परिषदको बैठकको लागि लहान जाने भएपछि उनलाई आगामी ५ गते मँगलबार लहानमा नागरिक अभिनन्दन गरिने भएको छ । सो बैठकमा भने केन्द्रीय समितिको सदस्यहरुलाई सहभागी गराइने कार्यक्रम रहेको छ ।

विहान ११ बजेदेखि सुरु हुने सो बैठकमा सरकारसँग भएको ११ बुँदे सम्झौता र अगामी रणनीतिको बारेमा छलफल गर्नका लागि राष्ट्रिय परिषद्को बैठकमा सबै केन्द्रिय सदस्यलाई आ–आफ्नो नागरिकतासहित उपस्थित हुन जानकारी पठाएको जानकारी दिइएको हो । बैठक लहानको मारवाडी सेवा सदनमा बोलाइएको जनाइएको छ ।

मधेशको आन्दोलनको उदगम स्थल सिरहाको लहान तथा मधेश आन्दोलनका प्रथम सहिद रमेश महतो समेत लहानबाटै भएको भन्दै डा. राउतले राष्ट्रिय परिषदको बैठक लहानमै बोलाएको हो ।

सोमबारसम्म चैत्त ४ गतेसम्म सो चल्ने बैठकपछि सप्तरीबाट निकालिने वृहत रयाली सिरहाको लहानसम्म चल्नेछ । डा. राउतलाई लहानको रमेशचोकमा नागरिक अभिनन्दन गरिने जानकारी प्राप्त भएको छ ।