यस कारण डा. सिके राउतले पत्रकारलाई समय दिन पाएनन् ?

न्यूज ब्यूरो, जनकपुरधाम । सरकारसँग ११ बुंदे सहमतिपछि मधेश झरेका डा. सिके राउतलाई पत्रकारहरुलाई समय नदिएको तथा पत्रकारसँग दुव्र्यवहार गरेको आरोप लगाइएको छ ।

यस सन्दर्भमा बोल्दै उनका एक समकक्षीले डा. राउतलाई अघि देखि नै स्वास्थ्य अवस्था ठिक नरहेको कारणले पत्रकारहरुलाई प्रयाप्त समय दिन नसकेको दाबी बताए । समाजिक सञ्जाल सहित केही सँचारमाध्यमहरुमा डा. सिके राउतले दादागिरी गरेको भन्दै समाचार प्रकाशित भएपछि उनलाई सुरक्षा चुनौतिको मध्यनजर गर्दै सर्वसाधारणसँग बाटो माग्ने क्रममा धक्काधक्की भएको हुन सक्ने बताए ।

राउतका एक समर्थक राकेश मैथिलले भने, त्यतिबेला जसको पनि हातमा मोबाईल थियो र डाक्टर साहबको तस्विर, भिडियो खिचिदै थियो । सँचारकर्मी मित्रहरुले पनि धैर्य धारण गरेर बस्नु नै भएका थिए तर मोटो भीडमा छेउ लगाउने क्रममा धक्काधक्की भएको हुनसक्छ र त्यो गलत मनसायले होईन । फेरी डा. सिके राउतको दादागिरी भन्दा त अलिक मिलेन, त्यहाँ त डाक्टर साहबले बोल्न पनि नसक्ने अवस्थामा आएको सबैले देखेकै हो नी ।

उनलाई स्वास्थ्य अवस्था समान्य नभएको भन्दै पत्रकारहरुलाई एक कार्यक्रमको आयोजना गरी नै प्रश्नहरु पोखिन दिने तत्कालै बताएको उदृत गर्दै उनले आईतबार काठमान्डौबाट जनकपुर आउन पनि चेकअपकै कारण ढिलो भएको जानकारी दिए । जनकपुर आउने वित्तिकै पनि उनले चिकित्सकसँग उपचार लिएको बताए ।

जेलमै रहेको बेलादेखि निरन्तर उनको स्वास्थ्य अवस्थामा गडबडी हुँदै आएको भन्दै राजनीतिक सहमति कार्यक्रम पश्चात पनि डा. राउतले स्वास्थ्य परीक्षण गराएको, जनकपुर आउनु अघि पनि र जनकपुर पुगिसकेपनि स्वास्थ्य परीक्षण गराएको बताइएको छ । यस्तोमा सँचारकर्मीहरुलाई अन्यथा नलिइदिन आग्रह गरे ।

सँचारकर्मीहरुले यस्तो भीडमा पोशाक नभएको कारण पनि त्यस्तो भएको हुन सक्ने स्वीकार गदैै त्यस उपर नरिसाउन समेत पत्रकारहरुसँग आग्रह गरे ।