११ बुंदे सहमतिपछि आज जनकपुर आउँदै डा. सिके राउत, स्वागतको लागि भारी जमात जाँदै

न्यूज ब्यूरो, जनकपुरधाम । सरकारसित ११ बुंदे सहमती गरेका स्वतन्त्र मधेश गठबन्धनका संयोजक सीके राउत आज जनकपुरधाम आउँदै छन् । सरकारसित गरेको ११ बुंदे सहमतिको विषयमा समाजिक सञ्जालहरुमा तिव्र आलोचना भईरहेको बेला उनी तराईमा आउन लागेका हुन् ।

राउतले मधेशलाई छ्ट्टै राष्ट्र बनाउनु पर्ने मागगर्दै शान्तिपूर्ण आन्दोलन गरिरहेका थिए । राउतको पक्षमा सकृय युवाहरुको धारणा उनको आगमनसँगै प्रष्ट हुनेछ । राउतलाई विमानस्थलमा स्वागतका लागि हुने भीडले उनीप्रतिको धारणा केहि हदसम्म प्रष्ट हुनेछ ।

सहमति भएपछि राउत समर्थित नेताहरु खुल्ला रुपमा आफ्ना धारणाहरु राखेका छैन् । तर समाजिक सञ्जालहरुमा उनको तिव्र आलोचना भईरहेकोछ । युवाहरुले उनको निर्णयलाई मधेश विरोधी भन्दै टिप्पणीहरु गरेका छन् । तर राष्ट्रिय जनता पार्टी (राजपा) नेपालले सहमतिलाई सकारात्मक भनेको छ । ‘मधेश टुक्रयाउने मुद्दा छाडेर राउत मुलधारमा आउनु सकारात्मक हो’ राजपा अध्यक्ष मण्डलका संयोजक महेन्द्र राय यादवले भने, राउतपनि अब आफ्ना एजेण्डा लिएर जनतामा जानेछन् ।

देश टुक्रयाउने मुद्दा छाडेर जनताको बीचमा जाने निर्णय लोकतान्त्रिक पद्धतीलाई आत्मसात गर्नु राम्रो रहेको उनले बताए । राउत पाँच महिनापछि विहिवार जेलमुक्त भएका थिए । शुक्रवार सरकारसित ११ बुंदे सहमतिगरेपछि जनकपुरधाममा आउन लागेका राउतको कार्यक्रमहरुबारे विस्तृत जानकारी गराईएको छैन ।