डा. सिके राउत राजनीति पार्टीमा प्रवेश गरिरहेको समाचार अफवाह मात्र : प्रवक्ता खान

न्यूज ब्यूरो, जनकपुरधाम । स्वतन्त्र मधेश गठबन्धनका सँयोजक डा. सिके राउत कुनै पनि राजनितिक दलमा प्रवेश नगर्ने उनका प्रवक्ता अब्दुल खानले जानकारी दिएका छन् ।

विहिबार सेन्ट्रल जेलबाट रिहा भएलगत्तै शुक्रबार विभिन्न सँचारमाध्यमहरुमा डा. सिके राउत र देशका प्रधानमन्त्री केपी शर्मा ओली एउटै मँचबाट राजनीतिक सम्बोधन गर्ने समाचार प्रकाशन प्रकाशित भएपछि स्वतन्त्र मधेश गठबन्धनका प्रवक्ता अब्दुल खानले डा. राउत कुनै राजनीतक पार्टीमा प्रवेश नगर्ने तथा यी समाचारहरु तथ्यहिन मात्र रहेको बताएका छन् ।

शुक्रबार न्यूज ब्यूरोसँग कुराकानी गदैैै प्रवक्ता खानले भने, काठमान्डौँका मिडियाहरुमा आएका समाचारहरु तथ्यहिन छ, सँयुक्त पत्रकार सम्मेलन गर्ने कुरा, एउटै मँचबाट प्रधानमन्त्री र डा. सिके राउत सम्बोधन गर्ने कुरा तथ्यहिन र निराधार मात्र रहेको छ । स्वराजीहरु यस्ता समाचारबाट भ्रमित नहोउन् । हामी यथावत छौँ ।

विभिन्न सँचारमाध्यहरुमा अलगै मधेश देशको माग उठाउँदै आएका डा. सिके राउत नेकपमा प्रवेश गर्ने हल्ला चलेपछि उनका समर्थकहरुमा अलमलता छाएपछि प्रवक्ता खानले अलमलमा नपर्न आग्रह गरेका हुन् ।