केन्द्रको सरकारको संकीर्ण सोचले मधेशको विकास पछाडी : सभापति कलाम

न्यूज ब्यूरो, रौतहट। विकास पूर्वाधार एवं विकास समितिको सभापति तथा रौतहट क्षेत्र नम्वर ४ को ख का प्रदेश सभाका साँसद अब्दुल कलाम अजाद (फुलबाबु) ले मठमन्दीर मस्जीद बनाएर मात्रै प्रदेश न दुइको समृद्धी हुन नसक्ने बताउनु भएको छ ।

गौर मिडिया प्रालीद्धारा आयोजित एवं प्रदेश साँसद अजादको सहयोगमा बुधवार देखि रौतहटको गरुडामा तिन दिने पत्रकारिता तालिमको उदघाटन गर्दै उनले उक्त कुरा बताउनु भएको हो । साँसद अजादले समुचित स्वास्थ्य, शिक्षा, खानेपानी र सडकको पूर्वाधार संग आम नेपाली जनतालाई नजोडिए सम्म विकास एवं समृद्धिको कल्पना गर्न नसकिने बताए ।

रौतहट सहित प्रदेश नम्वर २ मा बसोबास गर्ने नेपाली जनतालाई सुखी र समृद्धि बनाउनका लागि प्रदेश सरकार हर सम्भव विकासको मुल धारमा लैजान प्रयासरत रहेको भएपनि केन्द्र सरकारबाट उपेक्षा गरेको कारण यो प्रदेशमा विकास निर्माणको कार्यहरु ओझेलमा परेको स्पष्ट पारे । वेरोजगारलाई रोजगारीको अवसर, विदेशिनेलाई स्वदेशमै रोजगार, समुचित स्वास्थ्यको सेवा, उचित शिक्षाको विकास गरी आम किसानहरुलाई समयमा सिंचाई र विउविजनको व्यवस्थापन गराउन प्रदेश सरकारले केन्द्र संग समन्वय गरेर अघि बढ्ने प्रयास गरेपनि केन्द्रको द्धवेध चरित्रको कारण यो प्रदेश पछि परेको बताए ।

आफू निर्वाचित भएको क्षेत्रका जनतालाई आफनो संसदीय कोषबाट विकासको पूर्वाधारको विकास गराउन राय सुझाव संकलन गरेर विकासको फड्को मार्ने प्रयास गरिरहेको चर्चा गर्दै आजादले हेरेक किसिमका झिनामसिना समस्याहरुलाई समाधान गर्ने आफनो प्रमुख लक्ष्य रहेको स्पष्ट पारे ।

प्रमुख जिल्ला अधिकारी किरण थापाले राष्ट्र र राष्ट्रियता प्रति समर्पित रहेर पत्रकारिता क्षेत्रलाई अघि बढाउने जिम्मेवारी संचारक्षेत्रको काँधमा रहेको बताउदै यस जिल्लाबाट गरिवी वेरोजगारी हटाएर जिल्लालाई समृढ बनाउने जिम्मेवारी यहाँको संचारकर्मी र राजनितिक दलको भुमिका सकारात्मक हुनुपर्नेमा जोड दिए ।

गौर मिडिया प्रालीका अध्यक्ष तथा संचारकर्मी संजय सहनीको अध्यक्षता सम्पन्न तिन दिने पत्रकारिता तालिमको उदघाटन सत्रमा नेपाल प्रहरीका उपरिक्षक भुपेन्द्र खत्री, सशस्त्र प्रहरी उपरिक्षक कृष्ण ढकाल, राष्ट्रिय अनुसन्धानका निर्देशक अभिनय सिंह, फोरम नेता राजकुमार दास तत्मा, युवा अध्यक्ष कौशर मिथिला खाँ, प्रशिक्षकद्धय प्रेमचन्द्र झा र प्रभातकुमार झाले मन्तव्य व्यक्त गरेको थियो ।

तिन दिन सम्म संचालन हुने उक्त पत्रकारिता तालिममा झाद्धयले बदलिदो परिवेशमा पत्रकारिता क्षेत्रको माध्यमबाट समाजलाई कसरी परिवर्तन गरेर जनतालाई समृढि तर्फ उन्मुख गराउने बारे शिक्षा प्रशिक्षार्थीहरुलाई प्रदान गर्नुको साथै गरुडा क्षेत्रका करिव ३० जनालाई पत्रकारिता तालिमा सहभागी रहेको गौर मिडिया प्रालीका आरएन साहले बताए ।