नायिका प्रियँका कार्कीले धनुषामै मनाइन जन्मदिन, छात्राहरुको लागि ६ शौचालय हस्तान्तरण

न्यूज ब्यूरो, धनुषा । धनुषाको दुई ओटा विद्यालयमा गैर सरकारी सँस्था आयंका फाउण्डेशनले छात्राहरुको लागि ६ ओटा शौचालय हस्तान्तरण गरेको छ ।

समाजिक सँस्था आयंका फाउण्डेशनले पन्चकन्या ग्रुपको सहयोगमा धनुषाधाम नगरपालिकाको दुई ओटा विद्यालयमा छात्राको लागि ६ वटा शौचालय निर्माण गरेर सोमबार एक औपचारिक कार्यक्रम गरि हस्तान्तरण गरिएको छ ।

स्थानीय विधालयका प्रधानध्यापकहरुको अध्यक्षता तथा धनुषाधाम नगरपालिकाकी नगर उपप्रमुख बिधा देवि भुजेलको प्रमुख आतिथ्य सम्पन्न हस्तान्तरण समारोहबीच निर्माण गरिएको ६ वटा शौचालय हस्तान्तरण गरिएको हो ।

आयंका फाउन्डेशनकी अध्यक्ष एवम् नेपाली चलचित्रकी नायिका समेत रहेकी प्रीयँका कार्कीलाई विद्यालयका विद्यार्थी एवम् कर्मचारीहरुले धन्यवाद ज्ञापन गर्दै आगामी दिनमा समेत सहयोगको अपेक्षा राखे । विधालयका बिद्यार्थीहरु अविर र फूलमालाका साथ नायिका कार्कीलाई स्वागत गरेका थिए । साथै उक्त विद्यालयका विद्यार्थीलाई ब्याग, पुन प्रयोग गर्न मिल्ने कपडाको प्याड, के.जि.एच फाउन्डेसनको सहयोगमा वितरण गर्नुका साथै वातावरणमैत्री अभियानस्वरुप वृक्षारोपण समेत मा बि निगाह्पुरमा गरिएको हो।

"महिना वारि ,न महिना पारी म , म हु महिना भरी" नारा समेत बिद्यार्थीहरुलाई लागिएको सङ्गै प्याड लगाउने विधि समेत सिकाएका थिए । नायिका कार्की जन्म दिन पनि बिधालयमै मनाएकी हुन् ।

मँगेत्तर आयुसमान जोशीसङ्गै आएकी कार्कीले विद्यालयका विद्यार्थीहरुलाई सरसफाई तथा वातावरणमैत्रीलाई कायम राख्न समेत आग्रह गरिन । सो कार्यक्रममा धनुषाका प्रहरी प्रमुख शेखर खनाल , स्थानीय बुद्धिजीवी, सँचारकर्मीहरुको समेत उपस्थिति रहेको थियो ।