मधेशीलाई गाली र अपशब्दको वर्षा, भन्यो - 'मदेशी चोर, यो देश छोर' !

न्यूज ब्यूरो, जनकपुरधाम । छिमेकी मुलुक भारत र पाकिस्तानबीचको विवादपछि मधेशको विरगँजमा युवाहरुले भारतको पक्षमा प्रदर्शन गरेपछि समाजिक सँजालमा गाली र अपशब्दको बर्षा गरिएको छ ।

भारतको जम्मु काश्मिरमा भएको आतंकवादी हमलाको जवाफमा भारतीय वायु सेनाले पाकिस्तानी भूमीमै पसेर आक्रमण गरेकै दिन वीरगन्जमा प्रदर्शन गरेको समाचार प्रकाशित भएपछि मधेशी मूलका नेपालीहरुलाई तथानाम गाली, अपशब्द प्रयोग गर्दै विहारमै भगाउनुपर्नेसम्म जस्ता टिप्पणी गरेका छन् ।

मंगलबार मधेसी दलका नेता र युवाले भारतको पक्षमा वीरगन्जमा प्रदर्शन गरेका हुन् । १४ फेब्रअरी र त्यसयता भारतमा भएको आतंकवादी हमलाको विरोधमा राष्ट्रिय जनता पार्टी (राजपा) का महासचिव राजेशमान सिंहको नेतृत्वमा राष्ट्रिय युवा संघ र राष्ट्रिय विधार्थी संघका कार्यकर्ताले मोटरसाइकल रयाली निकालेपछि गाली, अपब्दको वर्षा नै गरिएको हो ।

अन्नपूर्ण पोष्ट अनलाईन सँस्करणको समाचार उपर टिप्पणी गर्दै पौडेल अर्जुन लेख्छन् , "साला धोतीहरु" ,राजेन्द्र भण्डारी अबिरा लेख्छन् - "रिप माचिक्ने धोती बिहारीहरु" , यस्तै, शौरभ गुरुङ लेख्छन् : "यि सबै प्रचण्डे र गिरिजाले २०६३ मा नागरिक बनाएका विहारीहरु हुन् ।" सुरेन्द्र शाह लेखेका छन्, "यिनीहरू नेपाली हुदैहोइनन। यिनीहरूको रगतमा भारतको नासो मिसिएको छ। त्यसकारण यिनीहरूको नागरिकता माथी सुक्ष्म अनुसन्धान हुनुपर्छ ।"

टिप्पणीकै क्रममा श्याम घले लेख्छन् , " बिहारी धोत्ती हरुलाइ नागरिकता देको दुश परिणाम यहि हो तराईमा बस्ने डछ५ मदेशिहरु बिहारी हुन अथाव ईन्डिया धोतीहरु हो। मदेशीहरुको नागरिकता खारेज गर्नु परेउ भोलिका दिनमा यी मदेशी सैतानहरुले नेपाल विरुद्ध आवज उथाउने छ । मदेशी चोर यो देश छोर । नेपाललाई बिहारी धोत्ती मदेशी मुक्ता बनाउनु पर्छ । जै नेपाल, नेपालको बदनाम र बेइज्जत गरे यी आयातित जत्थाले ।"

आतंकवादविरुद्ध नेपालका युवा भारतको साथमा रहेको भन्दै राजपाले प्रदर्शन गरेपछि प्रकाशित भएको समाचारप्रति मधेशी मूलका नेपालीहरुलाई तथानाम गाली बेईज्जति तथा अपमानजनक शब्दहरुले टिप्पणी गरेको हो ।

प्रदर्शनमा सहभागीले आतंकवाद र आतंकवादीलाई संरक्षण दिने राष्ट्र मुर्दावाद, आतंकवादविरुद्ध भारत हामी तिम्रो साथमा छौँ, नेपाल भारत मैत्री सम्बन्ध अमर रहोस् जस्ता नारा लेखिएका ब्यानर र प्लेकार्ड बोकेका थिए । यसैलाई लिएर आफ्नै देशका नागरिकहरुले मधेशीलाई बिहारी, धोती र भारतीय दलाल भन्दै समाजिक सञ्जालमा टिकाटिप्पणी गरेका छन् ।