जनकपुर : सिडिओको ब्याटिंगमा एसपीले बलिंग गर्दा...

न्यूज ब्यूरो, जनकपुरधाम । जनकपुरमा धनुषाका प्रमुख जिल्ला अधिकारी र प्रहरी प्रमुखले एक कार्यक्रमको दौरान क्रिकेट खेलेका छन् ।

सामुदाय प्रहरी साझेदारी कार्यक्रम अन्तर्गत जिल्ला प्रहरी कार्यालय धनुषाको आयोजना तथा महिला तथा बालवालिकाको साप्ताहिक सरसफाई अभियान अन्तर्गत धनुषाका प्रमुख जिल्ला अधिकारी (सिडिओ) प्रदीप कणेल र प्रहरी प्रमुख शेखर खनालले क्रिकेट खेलेर समुदाय प्रहरी साँझेदारीको सम्बन्धलाई दर्साएका हुन् ।

जनकपुरधाम उपमहानगरपालिका वडा नं. १ स्थित स्थानीय क्रिकेट टुर्नामेन्टको उद्घाटन कार्यक्रममा सिडिओ कणेलले ब्याटिंग गर्दै एसपी खनालले बलिंग गरेर शुभारम्भ गरे । जिल्ला प्रहरी कार्यालय धनुषाको आयोजना तथा महिला तथा वालवालिकाको साप्ताहिक सरसफाई अभियान अन्तर्गत लैंगिक हिंसा नियन्त्रण संजाल समिति, बाल क्लव लगायत विभिन्न सरोकारवाला सरकारी तथा गैर सरकारी कार्यालयहरुको सहकार्यमा जनकपुरधाम उपमहानगरपालिका वडा नं. १ स्थित रेल्वे लाईन स्थित उक्त टुर्नामेन्टको उद्घाटन गरेका हुन् ।

उक्त वडाको चिल्ड्रेन पार्क लगायतका स्थानहरुमा जिल्ला समन्वय समिति धनुषाका उप प्रमुख दिपक झाको प्रमुख आतिथ्यता तथा जिल्ला प्रहरी कार्यालका प्रमुख प्रहरी उपरीक्षक शेखर खनाल, वडा अध्यक्ष, महिला संजाल, स्थानिय बुद्धिजिबी, वाल क्लब, सहित प्रहरी टोलीको उपस्थितिमा आयोजित सरसफाई कार्यक्रममा समेत भाग लिँदै क्रिकेट टुर्नामेन्टको शुभारम्भ गरेका थिए ।