नेविसंघलाई बलियो बनाउन केन्द्रिय अध्यक्षमा मेरो आवश्यकता छ : संजिप यादव

जनकपुरधाम, ९ फागुन । नेपाली कांग्रेस निकट नेपाल विद्यार्थी संघ (नेविसंघ) को केन्द्रिय अध्यक्षमा आफ्ने आवश्यकता रहेको भन्दै आफूलाई जिम्मेवारी सम्हाल्ने मौका मिल्ने युवा नेता संजिप यादवले दाबी गरेका छन् । १२औं अधिबेशनबाट नेतृत्व दाबी गर्दै उनले त्यसका लागि पार्टीका कार्यकर्ता एंव शिर्ष नेताहरूसँगको छलफलमा तीव्रता दिएका छन् ।

विगतको निर्वाचनमा पार्टीले ऐतिहासिक हार व्यहोर्नु परेकाले पार्टीका मेरुदण्ड मानिएका भातृ संगठन नेविसंघलाई बलियो बनाउन महत्त्वपूर्ण रहेकोले अब नेविसंघको नेतृत्व सम्हाल्नका लागि आफ्नो आवश्यकता रहेको औल्याए ।

विगतमा नेविसंघको सदस्य पदमा एक कार्यकाल सफलता पूर्वक निर्वाह गरिसकेका यादव लोकप्रिय एवं चर्चित युवा नेताको रूपमा चिनिन्छ ।

उनी पार्टीका वरिष्ठ नेता राम चन्द्र पौडेल, महामन्त्री संशाक कोइराला र वर्तमान कोषाध्यक्ष सीता यादवको नजिक भएको मानिन्छ ।

हाल नेविसंघको उमेर हद लागु नगरी तदर्थ समिति गठनको तयारी भइरहेको छ । नेविसंघको विधानमा १२ औं महाधिवेशनबाट ३२ वर्षे उमेर हद लागु गर्ने उल्लेख भएपनि महाधिवेशन नहुन्जेलसम्म उमेर हद नलगाई तदर्थ समिति बनाउने तयारीलाई नेताहरुले तीव्रता दिएको छ ।