मधेशी जनताको सुख र शान्ती मेरो पहिलो प्राथमिकता : नेपाल

न्यूज ब्यूरो, रौतहट । नेपाल कमयुनिष्ट पार्टीका वरिष्ट नेता एवं पूर्व प्रधानमन्त्री माधव कुमार नेपालले रौतहट सहित मधेस र मधेसी जनताको सुख समबृद्धि नै आफ्नो पार्टीको पहिलो प्राथमिकताको विषय रहेको बताएका छन् ।

रौतहटको यमुनााई गाउँपालिका २ स्थित माध्यमिक विधालय भेडियाहीमा बिहीबार आयोजित भवन तथा आईसिटी ल्याबको उदघाटन सामारोहका प्रमुख अतिथि नेपालले कम्युनिष्ट सरकार कै पालामा मधेस समृद्ध बन्ने ठोकुवा गरेका हुन् । तराई मधेस समृद्धि कार्यक्रमबाट विकसित र समृद्ध मधेस र मधेसी जनतालाई सुखी समप्पन बनाउनु नै वर्तमान सरकारले मुख्य लक्ष्य बोकेको उनले बताए ।

रौतहटको क्षेत्र नं.१ मा केही दिन अघि आफूले २ अरब भन्दा बढीको बजेट दिएर ५२ किलो मिटरको सडक सिलान्यास गरेको स्मरण गराउदै नेपालले बजेटको सहि सदुपयोग हुनुपर्नेमा जोड दिए । वर्तमान सरकारले ल्याएको तराई मधेस समबृद्धि अभियानको १३ करोड बजेट रौतहटलाई प्रदान गरिएको र सो बाटै विभिन्न स्थानमा सामुदायिक भवन, दलित आवास, बाटोघाटो ढलान देखि विभिन्न विकासे योजना संचालनमा रहेको नेता नेपालले स्पष्ट पारे ।

उनले आउदो दिनमा रौतहटका लागि जनताले चाहे अनकूलको कार्य गर्न सरकार तयार रहने प्रतिबद्धता पनि जाहेर गरे । वर्तमान सरकारको बारेमा बिपक्षीले विभिन्न जाल बुनी रहदा सामाजिक सुरक्षा भत्ता, बेरोजगार भत्ता, शैक्षिक स्तर सुधारका प्याकेज, स्वरोजगारको व्यवस्था सहित विभिन्न जनमूखि कामले जनताको विश्वास जितेको दाबी गरे ।

अशान्ति र अस्थिरताको युगको अन्त्य भएको साथै विकास र समृद्धिको ठूलो आशा राखेको दुई तिहाइको वर्तमान सरकार र नेकपाले जनतालाई निराशा पार्ने काम नगर्ने उनले बताए ।

उनले अब देशमा शान्ति र स्थिरता स्थापना भइसकेकोमा बताउँदै सरकारले अघि सारेको समृद्ध मुलुक र सुखी नेपालीको मिसन पूरा हुने बताए ।
सीप, उद्यमशीलता र प्राविधिक शिक्षालाई गाउँगाउँमा पुर्याउदै देशको गरिबी र बेरोजगारीको चक्रब्यूहलाई अन्त्य गर्न सरकार सफल हुने वरिष्ठ नेता नेपालको भनाइ छ । शिक्षा विकास तथा समन्वयन समितिको आर्थिक सहयोगमा नवनिर्मित भवनको उदघाटन समेत गरेका नेपालले रौतहट सहित मधेसको शिक्षा सुधार गर्नको लागि आफू प्रतिबद्ध रहेको बताए ।

उनले शिक्षा नै सामाज र राष्ट्रको परिचय दिलाउने माध्य हो यस प्रति हामी सबै गम्भिरताको साथै लाग्नु पर्ने उहाँको भनाई ष्थयो । कार्यक्रमका बिच विश्व शिक्षाको आर्थिक सहयोग र रौतहटको चर्चित सँस्था आर.डि.सी. नेपालको सहकार्यमा विधालयलाई प्रदान गर्न भनिएको २० थान क्मप्युटर नेता नेपालले प्रधानाध्यापक उपेन्द्र प्रसाद यादवलाई हस्तान्तरण गरेको आर।डि।सि। का अध्यक्ष पारस हुसैनले बताए ।

कार्यक्रममा नेकपा का सांसद सरला यादव, पूर्व मन्त्री सत्यनारायण भगत, प्रदेस सभा सदस्य शम्भु साह, सहित विश्व शिक्षाका डाइरेक्टर रुप श्री जोसी उपस्थिति रहेको आर.डि।सि।का रामाधार यादवले जानकारी दिए । कार्यक्रम यमुनामाई गाउँपालिकाका अध्यक्ष श्री प्रकास मुखियाको सभापतित्वमा सम्पन्न भएको थियो ।