जनकपुरमा ट्रयाक्टर र मोसा जुध्दा एक ठहरै !

जनकपुरधाम, १ फागुन । जनकपुरमा आज बेलुका ट्रयाक्टर र मोटरसाईकल एक आपसमा जुध्दा एक जनाको घटनास्थलमै मृत्यू भएको छ ।

जनकपुरधाम उपमहानगरपालिका वडा नं. १२ हनुमान नगरस्थित ज १ त ७३११ नम्बरको ट्याक्टर र ज ११ प २०७७ मोटरसाईकल एक आपसमा जुध्दा दुर्घटना हुन गई मोटरसाईकलमा सबार धनौजी गाउँपालिका वडा नं. ५ गौरदाहा बस्ने अन्दाजी वर्ष ४८ का समिल मोमिनको घटनास्थलमै मृत्यू भएको जिल्ला प्रहरी कार्यालय धनुषाले जनाएको छ ।

तीव्र गतिमा आईरहेको ट्रयाक्टरले विपरित दिशाबाट आईरहेको मोमिन चढेको मोटरसाईकललाई ठक्कर दिएपछि घटनास्थलमै उनको टाउको फाटेको बताईएको छ । टाउकोमा गम्भिर चोट लागेपछि रक्ताम्य बनेका उनलाई तत्कालै नजिकै रहेको संजीवनी अस्पतालमा उपचारको लागि लग्दा चिकित्सकले मृत घोषणा गरेको जिल्ला प्रहरी कार्यालय धनुषाले जनाएको छ ।

यता, ठक्कर दिने ट्राक्टर प्रहरीको नियन्त्रणमा रहेको छ भने चालक फरार रहेको बताइएको छ । चालकको पहिचान भईसकेको धनुषा प्रहरीले जनाएको छ । मृतकको शवलाई पोष्टमार्टमको लागि जनकपुर अञ्चल अस्पताल लैजाने भएको छ ।