मधेशमै नमुना : मृत्यू भोजको खर्च विद्यालयमा दान

जनकपुरधाम, २९ माघ । मृत्यू भोज बाध्यता बन्दै गएको समयमा सिरहाकै एक गाउँमा मृत्यू भोज नै नगरी सबै खर्च एक विद्यालयलाई दान गरिएको छ ।

मधेशमा दिनप्रतिदिन मृत्यू भोज लगायत अन्य भोजहरु विकृतिको रुपमा मात्र परिचालित भएको भन्दै सिरहाको कर्जन्हा नगरपालिका वडा नं. ११ बगहामा सासूआमाको पूण्यतिथीमा लाग्ने भोज भत्तेरको खर्च विद्यालयमा दान गरेको हो ।

सिरहा कर्जन्हा नगरपालिका वडा नं. ११ बस्ने गुरुदयाल महतोकी श्रीमति स्वर्गीय पार्वती कुशवाहाको स्मृतिमा उनकी छोरी निलु सिँह र ज्वाई मन्दिप कुमार महतोद्धारा गत माघ २७ गते मनाउने भनिएको पुण्यथितिको अवसरमा हिन्दु सँस्कृति अनुसार विधिविधान गरेपनि भोजभतेरको रकम स्थानीय आधारभूत विद्यालय बगहामा दान गरेका हुन् ।

पेशाले ईन्जिनीयर रहेका मन्दिपले मृत्यूभोज मात्र विकृतिको रुपमा बाध्यता रहेको भन्दै अवको २१ औँ शताब्दीमा पनि मृत्यूउपरान्त गरिने यी परम्परालाई परास्त गर्न विद्यालयमा सहयोग स्वरुप दुईओटा स्टिल दराज प्रदान गरेका हुन् । सो जिन्सी दराज विद्यालयका प्रधानाध्यापक रामकृष्ण कामरलाई हस्तान्तरण गरेकी हुन् ।

मृत्यूभोजमा लाग्ने रकम गरिब, दलित विद्यार्थीहरुको भविष्य सुधार केन्द्रको रुपमा स्थापित समुदायिक उक्त विद्यालयमा सहयोग गरेपछि चारैतर्फबाट चर्चा बटुलेका छन् ।