दर्जनौँ गरिब परिवारलाई बिजेताको कम्बल

जनकपुरधाम, २० माघ । आर्थिक रुपले पिछिडिएका धनुषाको धनौजी गाउंपालिकास्थित लखौरीका सयौं गरिब परिवारलाई शनिवार एक कार्यक्रमका बिच कम्बल वितरण गरिएको छ ।

बृहतर जनकपुर क्षेत्र विकास परिषदको सहयोगमा महिला डेभलपमेन्ट धनुषाले १ सय ५० परिवारलाई कम्बल वितरण गरिएको हो । गरिब विपन्न परिवारका १ सय ५० जनालाई कम्बल वितरण गरिएको महिला डेभलपमेन्ट धनुषाकी अध्यक्ष बिजेता झाले जनाएकी छन् ।

कम्बल वितरण कार्यक्रममा सयौंको संख्यामा स्थानीयहरुको सहभागिता रहेको थियो । महिला डेभलपमेन्ट धनुषाले यस अघि विभिन्न स्थानमा विद्यार्थीहरुलाई शैक्षिक समाग्री , लता कपडा वितरण गरेका थिए । आगामी दिनहरुमा पनि गरिब असहाय परिवारलाई सहयोग गरिने अध्यक्ष झाले बताईन ।