राममनोहरको लागि हारयो न्याय, ५ महिनापछि लास बुझदै भाव्हील परिवार !

जनकपुरधाम, १९ माघ । स्वतन्त्र मधेश गठबन्धनका नेता राम मनोहर यादवको शव उनका परिवारजनले झण्डै पाँच महिनापछि बुझ्न लागेको छ ।

गत भदौ १७ गते प्रहरी हिरासतमै मृत्यु भएका डा. सिके राउत नेतृत्वको स्वतन्त्र मधेश गठबन्धनका नेता यादवको शव अन्ततः पाँच महिनापछि परिवारजनले बुझ्ने भएका छन् ।गत भदौ ७ गते एक सार्वजनिक कार्यक्रमको दौरान नेपाल सरकारका वर्तमान उपप्रधान एवम् स्वास्थ्यमन्त्री उपेन्द्र यादवलाई शहिदको सपना बारे सोध्न लागेपछि उनलाई प्रहरीले पक्राउ गरेपछि तत्कालै हिरासतमा राखेको थियो । मन्त्री यादवको आदेशमा प्रहरीले उनलाई पक्राउ गरी हिरासतमा लिएको थियो ।

प्रहरी हिरासतमा राम मनोहरको नियोजितरुपमा हत्या भएको आरोप परिवारजनको छ । परिवारजनले राम मनोहरको मृत्युबारे सत्यतथ्य छानबिन गरी दोषीमाथि कारबाहीको माग गर्दै आएका थिए ।

यस सम्बन्धमा पाँच महिनासम्म कुनै किसिमको ठोस पहल नभएको र नेपालको न्याय प्रणालीबाट न्याय पाउने आशा मरिसकेकोले पार्थिव शरिरको अन्त्येष्टि गरिने पारिवारजनले जनाएको छ । पाँच महिनासम्म काठमाडौंको टिचिङ्ग हस्पिटलमा रहेको राम मनोहरको शव आइतबार मध्यान्ह १२ः०० बजे परिवारजन र गठबन्धनका नेताहरुले शव बुझ्ने गठबन्धनका नेता जासर यादवले जानकारी दिए ।

गठबन्धन सम्वद्ध जासर यादवले आइतबार माघ २० गते शव बुझ्ने कार्यक्रम रहेको भन्दै नेता यादवले सम्पूर्ण मानव अधिकारकर्मी, नागरिक समाजका अगुवा, बुद्धिजीबी तथा सञ्चारकर्मीलाई उपस्थितिका लागि आग्रहसमेत गरेका छन् । नेपाल सरकारले न्याय नगरेको भन्दै स्व।राम मनोहरलाई न्याय दिलाउन गठबन्धन अन्तर्राष्ट्रिय अदालतमा जाने चेतावनीसमेत दिएको छ ।

यसअघि राम मनोहरलाई प्रहरी हिरासतभित्रै हत्या गरिएको भन्दै न्यायको लागि उनका परिवारजन जिल्ला प्रशासन कार्यालय, जिल्ला प्रहरी कार्यालय सहित अन्य सरोकारबाला निकायहरुको कार्यालय अगाडी धर्ना दिँदै मधेशव्यापी विभिन्न विरोध र ध्यानाकर्षणका आन्दोलन कार्यक्रम गर्दै आएको भएपनि अन्ततः न्याय मरेको भन्दै शव बुझन तयार भएको बुझिएको छ ।

राम मनोहर सम्बन्धी अन्य समाचारहरु पढनुहोस् ।

काठमान्डौँको माईतीघर मण्डलामा 'अलविदा ! स्वराजी राम मनोहर'

राम मनोहर यादवको मृत्यू प्रति संयमता अपनाउन आग्रह

राम मनोहर यादवको मृत्यूको घटनाको न्यायिक छानविन गरियोस : एनआरएमए

राम मनोहरको सम्मानमा मधेसी युवाद्धारा मिर्चैयामा श्रद्धाञ्जली सभा

राम मनोहरको परिवारलाई युवाहरुद्धारा २५ हजार सहयोग

राम मनोहरलाई न्याय नदिए अनिश्चितकालिन चक्काजाम गर्ने चेतावनी

प्रहरीको लाठीचार्जले राम मनोहरकी पत्नी सख्त घाईते, २० प्रहरी हिरासतमा

८१ दिनदेखि स्वराजी राम मनोहरको लास प्रहरी हिरासतमा