जनकपुरमा मोटरसाईकल र ट्रयाक्टर ठोक्किदा एक गम्भिर

जनकपुरधाम, १२ माघ । जनकपुरमा शनिबार साँझ मोटरसाईकल र ट्रयाक्टर एक आपसमा ठोक्किदा १ जना गम्भिर घाईते भएका छन् ।

शनिबार साँझ करिब ६ः२० बजेको समयमा धनुषाको तारापट्टिबाट जनकपुर तर्फ आउँदै गरेको ज ९ प ५०२९ नम्बरको मोटरसाईल तथा विपरित दिशातर्फबाट गईरहेको ना ४ त ४७०१ नम्बरको ट्रयाक्टर एक आपसमा ठोक्किएपछि मोटरसाईकलमा सवार चालक र पछाडी बसेको एक जना सहित दुई जना घाईते भएका छन् ।

मुजेलिया मोडदेखि बेँगा जानेबाटोमा विनोद क्रसर नजिकै उक्त दुर्घटना भएको प्रहरीले जनाएको छ । प्रहरीका अनुसार दुवै सबारी एक आपसमा ठोक्किएपछि मोटरसाईकलमा सबारमध्ये चालक गम्भिर घाईते तथा पछाडी बसेका एक युवक मध्यम घाईते भएको छ ।

गम्भिर घाईते हुनेमा जनकपुरधाम उपमहानगरपालिका वडा नं. ९ बस्ने बर्ष २८ का अजय ठाकुर र अन्य एक जना रहेको प्रहरीले जनाएको छ । उनीहरुलाई उपचारको लागि प्रहरीले जनकपुर अञ्चल अस्पतालमा पुरयाएको बताइएको छ ।