धनुषा : ज्यान मुद्दाका फरार अभियुक्त पाँच वर्षपछि पक्राउ

जनकपुधाम, ३० पुस । धनुषा प्रहरीले ज्यान मुद्दाका एक फरार अभियुक्तलाई झण्डै पाँच वर्षपछि पक्राउ गरेका हुन् ।

धनुषाको धनुषाधाम नगरपालिका वडा नं. ७ बस्ने ब्रम्हदेव शर्माको अन्दाजी बर्ष ३० का जीतनारायण शर्मालाई प्रहरीले झण्डै पाँच वर्षपछि पक्राउ गरी जिल्ला अदालतमा धनुषामा बुझाइएको छ ।

गत वि.सं. २०७० सालमा सवारी ज्यान मुद्दामा फरार भई बाहिरै बस्दै आएका शर्मालाई ईलाका प्रहरी कार्यालय धनुषाधामका प्रहरी निरीक्षक हिरण कुमार यादबको कमान्डमा खटिएको प्रहरी टोलीले उनलाई पक्राउ गर्न सफल भएको जनाइएको छ । शर्मा उपर जिल्ला अदालत धनुषाल ६ महिना कैद सहित २ हजार रकम जरिवाना सुनाएपछि उनी फरार भएका थिए ।