धनुषाधाम प्रहरीद्धारा ५०० लिटर मदिरा नष्ट

धनुषा, २५ पुस । ईलाका प्रहरी कार्यालय धनुषाधामले बुधबार अवैद्य घरेलु मदिरा नष्ट गरेको छ । धनुषाधाम प्रहरीले विभिन्न समयमा चेकजाँच गर्ने क्रममा बरामद गरेको अवैद्य ५०० लिटर मदिरा सार्वजनिक रुपमा नष्ट पारेको हो ।

घरेलु मदिरा सेवनका कारण समाजजिक वातारवणमा असर बढ्दो देखिएपछि प्रहरीले मदिरा नियन्त्रण अभियानलाई तीव्रता दिएको ईलाका प्रहरी कार्यालय धनुषाधामका ईन्चार्ज हिरण कुमार यादवले बताए ।

धनुषाधाम नगरपालिका वडा नं। १ का वडाध्यक्ष विश्वनाथ यादव, २ का प्रभु नारायण साह, ३ का राज किशोर साह, ४ का रामपरिक्षण यादव, धनुषाधाम नगरपालिकाका उपप्रमुखकी प्रत्यासी प्रेक्षा मल्ल लगायत स्थानीय बुद्धिजीवी, समाजसेवी तथा सँचारकर्मी समेतको रोहबरमा उक्त परिमाणको अवैद्य घरेलु मदिरा नष्ट गरिएको हो ।