जनकपुरमा शोक पनि र खुसीयाली पनि

जनकपुरधाम, २० पुस । जनकपुरमा विहिबारमा एक अनौठो दृश्य हेर्न मिलेको छ । राजपाका साँसद रेशम चौधरीको सपथ ग्रहण भएपछि दिपावली मनाइएको छ भने एक विद्यार्थीको दुर्घटनामा मृत्यू भएपछि शोक पनि मनाइएको छ ।

जनकपुरधाम उपहानगरपालिका वडा नं. ४ बस्ने १५ का दृष्य श्रेष्ठको मोटरसाईकल दुर्घटनामा बुधबार दिउँसो करिब २ बजेतिर मृत्यू भएको जनाइएको छ । जनकपुरको न्यू ईंगलिस बोर्डिंग स्कूलमा कक्षा १० मा अध्ययनरत श्रेष्ठको मोटरसाईकल दुर्घटनामा मृत्यू भएपछि उनीप्रति शोक व्यक्त गरिएको छ ।

जनकपुरको मुरलीचोकमा करिब १ सय ५० जना विद्यार्थी तथा युवाहरुले श्रेष्ठप्रति मैनबत्ति प्रज्वलन गरेर श्रद्धाञ्जली तथा शोक प्रकट गरेका छन् । उनको मृत्यूप्रति युवाहरुले मौन धारण गर्दै शोक जनाएका छन् ।

यता, विगत १४ महिनादेखि जेलमा रहेका राजपाका साँसद रेशम चौधरीको सपथ ग्रहणको उपलक्ष्यमा जनकपुरको जनकचोकमा दिपावली मनाइएको छ । राजपा नजिक संगठनका युवाहरु तथा पार्टीका समर्थक तथा कार्यकर्ताहरुले मैनबत्ति बालेर दिपावली मनएका हुन् ।

कैलाली क्षेत्र नं. १ बाट भारी मतले विजयी भएका चौधरीलाई विहिबार दिउँसो ३ बजे सपथ ग्रहण गरेर पुनः कारागार नै पठाइएको छ । उनलाई निलम्बीत साँसदको रुपमा राखीने छ ।