हाजिरी जवाफमा बल्टिया स्कूल प्रथम

शम्भु पण्डित, १५ पुस । धनुषामा शनिबार सम्पन्न हाजिरी जवाफ प्रतियोगितामा बल्टिया विद्यालय प्रथम स्थान हासिल गरेको छ ।

धनुषाको सबैला नगरपालिकामा आयोजना गरिएको एक दिने हाजिरी जवाफ प्रतियोगितामा नगरपालिका भित्र रहेका ९ वटै समुदायिक विद्यालयहरुलाई पछि पार्दै बल्टिया विद्यालयले प्रथम स्थान हाँसिल गरेको हो ।

स्थानीय गुराँस युवा क्लब द्वारा संचालित सो हाजिरी जवाफ प्रतियोगिताको क्रममा नगरपालिकाको बल्टियामा अवस्थित जन्ता राष्ट्रिय प्राथमिक बिधालय बल्टियाका कक्षा ५ मा अध्यनरत शुकराम सदा र रंजिता यादव प्रथम पुरस्कार जित्न सफल भएको हो ।

हाजिरी जवाफ जस्ता क्रियाकलापमा अति पिछडीएको वस्ती तथा दलितको घना वस्ती भएको बल्टियामा सँचालित उक्त विद्यालयले पहिलो पटक प्रथम स्थान हाँसिल गरेपछि प्रधानाध्यापक सुसिला देवि यादवले खुसी व्यक्त गरेकी छन। हाजिरी जवाफ प्रतियोगितामा विद्यालयले प्रथम श्रेणी ल्याएपछि शिक्षाको स्तरप्रति जागरुक हुँदै आगामी दिनमा झन स्तरियता प्रदान गर्ने प्रतिवद्धता व्यक्त गरिन ।