मेयरले नगरपालिकालाई कमिसन र भ्रष्टाचारको अखडा बनाए : उपमेयर जयसवाल

रौतहट, १२ पुस । रौतहट जिल्लाको गरुडा नगरपालिकाका उपप्रमुख रंगीला देवी जायसवालले प्रमुख ईन्नु यादवले गरुडा नगरपालिकालाई कमिसन र भ्रष्टाचारको अखडा बनाएको आरोप लगाएकी छिन् ।

विहिवार गरुडा नगरपालिकामा आफनै कार्यकक्षमा आयोजना गरेको पत्रकार सम्मलेनमा सम्वोधन गर्दै उपप्रमुख जायसवालले नगर प्रमुख यादव ले आफ्नो मनमानी ढंगबाट काम नै नभएको योजनाहरुको भुक्तानी गरेको आरोप लगाईन ।

आर्थिक वर्ष २०७५र०७६ को विकास निर्माण कार्यहरुको विना अनुगमन भुक्तानी गरेको बताईन । आर्थिक वर्ष २०७४ र ०७५ मा वड़ा नंबर १ र ६ माँ संघीय सरकारबाट प्राप्त भएको बजेटबाट ३ बटा पुल निर्माण गर्नु पर्नेमा पुलको निर्माण कार्य नहुँदै ९० लाख भुक्तानी गरिएको दावी गरिन ।

उपप्रमुख जायसवालले पारदर्शी रुपमा कार्य गर्नु पर्ने सुझाव दिदा पनि प्रमुख यादवले कुनै वास्ता नगरी आफ्नो मानोपोली गर्ने गरेकोले बाध्य भएर पत्रकार सम्मलेन गरेको बताईन । भाड़ाका गाडी प्रयोगमा नरहे पनि त्यसको भाड़ा नगरपालिकाबाट भुक्तानी भैरहेको हुदा विगतमा भएको कार्य र भुक्तानीको गहन रुपमा छानविन हुनु पर्ने मांग गरिन । उनले भनिन योजनाहरुको अनुगमन भए पछि भुक्तानी गर्नु पर्ने मा सो नगरी सीधै भुक्तानी दिने गरेको हो ।

न्यायिक समितिको संयोजक समेत रहेकि जायसवालले जनता को अपेक्षा अनुसार काम गर्नु पर्नेमा प्रमुख यादवले जन भावना विपरीत कार्य गरिरहेको सुनाईंन । पत्रकारहरुले सोधेको प्रश्नको जवावमा उपप्रमुख जायसवालले आफुलाई कुनै बस्ता नगरेको कारन पीडि़त भएको दुखेसो पोखे । जनताको मतबाट निर्वा्चित भएर आएकोले दुवै सामान्य अधिकार भएकोले विभेद गर्नु दुखद भएको टिपण्णी गरिन ।

पत्रकार सम्मेलनमा भाग लिएका वडा अध्यक्षहरुले मेयरको भन्दा मयरको छोराले कर्मचारीलाई निर्देशन दिने देखि ठेक्कापट्टमा मोलमोलाई गर्ने गरेको खुलासा समेत गरे । मेयरले आफ्नो छोरालाई नगरपालिकाबाटै तलव भत्तासमेत दिएर खुलेआम लुटधन्दा मच्चाउन मेयरले छोरालाई पिए बनाएका छन् ।

मधेसी फोरमको तर्फबाट उम्मेदवारी दिएर सो नगरपालिकाको मेयर बनेका इनुरा यादवले आफ्नो छोरा अनिल यादव उर्फ सुन्चुन यादवलाई पिए बनाएर सरकारी रकमको दोहन मात्र गरेका छैनन, ठेक्कापट्टाबाट कमिसन उठाउने जिम्मा नै उही छोरालाई दिँदै सो नगरपालिकामा लुट धन्दा मच्चाउन सफल रहेको उहाँहरुले खुलासा गरे सो नगरपालिकाले हालै नियुक्त गरेको एक कर्मचारीको नियुक्ती विवाद यतिबेला चरम उत्कर्षमा मात्र पुगेको छैन, मेयरको हर्कतले यतिबेला सिंगो नगरपालिकाका सर्वसाधारणहरु बेक्कारमा भोट हालेछु भन्दै पछुताउन थालेका वडा अध्यक्ष विसुन्देव सहनी बताए ।

मेयरका छोरा अनिल यादवले आफ्नै पुरखौली सम्पत्तिलाई भोगचलन गरेजस्तै सो नगरपालिकालाई संचालन गर्दे आएका र मेयरको आदेश भन्दा छोरा यादवको आदेश सो नगरपालिकामा लाग्ने गरेसंगै स्थानियबासीहरु रुष्ट बन्न पुगेका भन्दै अर्का वडा अध्यक्ष चुचुन साहले आक्रोस व्यक्त गरे ।

कागजी विकास निर्माणका योजनाबाट झण्डै ७ करोड रकम हिनामिना गर्न मेयर र निमित्त प्रमुख प्रशासकिय अधिकृत देवकोटाले सम्पूर्ण तयारी सकेसंगै उनको सरुवा हुनु र प्रमुख प्रशासकिय अधिकृत टेकराज पन्थी सो नगरपालिकामा पुगेपछि पनि मेयर यादवका बाबु छेराको हर्कत रोकिएको छैन्, पछिल्लो समय विभिन्न ठेक्कापट्टामा मोटो रकम कमिसन अशुल्ने उनीहरुको धन्दाले निरन्तरता पाएको उनिहरुको आरोप छ ।