रौतहटमा दुईपक्षबीच झडप, प्रहरी द्वारा १५ राउंड ह्वाई फायर !

न्यूज ब्यूरो, रौतहट । रौतहटमा दुई पक्षबीच झडप हुँदा प्रहरीले दर्जन बढी हवाई फायर गरेका छन् ।

रौतहटको गरुडा नगरपालिकामा भएको दुई पक्षबिचको झडपले क्षेत्र अशान्त बनेको छ । गत मंसिर २८ गते गरुडा नपा ९ रघुनाथपुरका वडाध्यक्ष राजेश कुमार सहनी र उनको बुबा बर्ष ६० को हरि नारायण सहनीलाई २/३ जनाको अज्ञात समुहले कुटपिट गरी घाईते बनाएका थिए ।

सोही बिषयलाई लिएर झै-झगडा भएको र पूनः आज करिब १७: १५ बजे गरुडा न.पा. ९ बिर्ता बजारमा लागेको हार्ड बजारमा २३ जना व्यक्तिले पसलहरुमा ढुंगा(मुडा प्रहार गरेपछि विवादले उग्र रुप लिएको प्रहरीको भनाई रहेको छ ।

दुबै पक्ष बिच ढुंगा (मुडा प्रहार र झडप शुरु भएपछि स्थिति नियन्त्रणमा लिन प्रहरीले १५ राउन्ड ह्वाई फायर गरेका छन ।

घटनाको सुचनासंगै जिप्रकाबाट प्र.नि.को कमाण्डमा ४० जनाको प्रहरी टोली खटेका छन । समाचार सम्प्रेषणसम्म दुवै पक्षका स्थानिय गरी ६००/ ७०० जना गुटबंदीमा बसेका छन । घटना स्थानमा जिप्रका रौतहटबाट प्र.ना.नि.को कमाण्डमा १७ जना, ईप्रका चपुरबाट प्र.नि.को कमाण्डमा १६ जना र स.प्र.स.नि.को कमाण्डमा ७ जनाको टोलि खटिएका जिल्ला प्रहरी कार्यालय रौतहटले जनाएको छ ।

घटनाको क्रममा स्थिती नियन्त्रण गर्न सुरक्षाकर्मीले ६ राउण्ड हवाईफायर, ग्याँस सेल ८ राउण्ड फायर साथै सर्ट गन बाट १ राउण्ड फायर गरिएको र २ जना प्रहरी ढुंगा लागी सामान्य घाईते भएका जिल्ला प्रहरी कार्यालय रौतहटले जनाएको छ ।