जनकपुर काण्डका दोषीलाई सम्मान गर्ने सरकार : मोहना अन्सारी

न्यूज ब्यूरो, काठमान्डौँ । राष्ट्रिय मानव अधिकार आयोगकी प्रवक्ता मोहना अन्सारीले मधेश आन्दोलनको क्रममा जनकपुरमा भएको घटनाको दोषीलाई वर्तमान सरकारले सम्मान गरेको आरोप लगाएकी छन् ।

जनकपुरधाममा घटेको उक्त घटनामा संलग्न रहेको व्यक्तिको पुष्टि समेत भएको र सरकारलाई समेत प्रतिवेदन बुझाएको बारे बताउँदै उनले सरकारको आडमा रहेका ति मानवअधिकार उल्लंघनकारि भने बिभिन्न किसिमका सरकारी दाउपेचले गर्दा सम्मानित भईरहेको आरोप लगाइन ।

१० औ राष्ट्रिय मानवअधिकार महाभेला २०१८ को उद्धाटन पश्चात एकसाते कार्यक्रमको तेस्रो दिन काठमाडौंमा विभिन्न विषयगत बिषयमा छलफल तथा अन्तरक्रिया कार्यक्रम सन्चालन गरिएको थियो । करिब करिब २ सय ६० बढि सहभागिता रहेको उक्त कार्यक्रममा बाल अधिकार महासन्धि, लैङ्गिक हिंसा, सङ्घीयता व्यवस्थापन र कार्यन्वयन, मानवअधिकार आयोगको कार्य र क्षेत्राअधिकारबारे खुल्ला बहस भएको हो ।

सो कार्यक्रममा बालअधिकार क्षेत्रमा कार्यरत युवा अभियन्ता दिवाकर उप्रेतिले एक खुल्ला कार्यक्रममै सरकारले हरदम दुई तिहाईको दम्भ देखाए मधेशी जनता चुप लागेर नबस्ने चेतावनी दिएका छन् ।

मानब अधिकार र आयोगको क्षेत्राधिकार वारे छलफलमा जनकपुरका युवा अभियान्ता उप्रेतीले समेत “मधेश आन्दोलन र त्यस आन्दोलनमा गरिएको चरम अन्यायलाई किन मानब अधिकार आयोगले चासो नदेखाएको भन्दै प्रश्न गरेका थिए ।

उप्रेतिको प्रश्नको जवाफमा मानव अधिकार आयोगकी सदस्य समेत रहकी अन्सारीले दोषी सम्मान गर्ने सरकार भएकै कारण मानव अधिकारका उलंघका घटनाहरु बढी भएको आरोप लगाइन ।

यस विषयमा बोल्दै उप्रेतीले अहिले पनि सरकारले दुई तिहाईको दम्ब देखाउछ भने मधेसका आम जनता सरकार विरुद्ध आन्दोलनमा उत्रिन समय लाग्दैन भन्दै टिप्पणी समेत गरे ।

न्युज ब्युरो संग कुराकानी गर्दै उनले भने, "यदि अब पनि मधेशका आम जनता जागरुक नहुने हो भने यो सरकारले मधेशलाई अधिकार को नाममा झुकाई राख्ने छ । यद्यपी उनले भने संविधान संशोधनको पाटो त छदैछ तर पनि यो सरकार बिल्कुल जिम्मेवार बोध गर्न नचाहेको र मधेस र मधेसीको पिडा सम्बोधन नगर्ने हुतिहारा सरकार हो । अब हरेक युवाले यो देशको बारे बुझ्नु जरुरि छ र हरेक विषयमा टिप्पणी समेत गर्न जरुरी छ ।"

दिवाकर उप्रेती जनकपुरका कान्छो अभियान्ता पनि हुन । उनले विभिन्न स्तरवाट समाजिक न्याय र समाजिक रुपान्तरणको लागि कटिबद्ध भएर लागेका समेत छन् ।