गोलबजार व्यापार संघमा अग्रवालले मारे बाजी

न्यूज ब्यूरो, सिरहा । गोलबजार व्यापार संघको निर्वाचनमा भरत अग्रवाल भारी मतान्तरले विजयी भएको छ । अग्रवाल ४ सय ३१ को मतान्तरले विजयी भएका हुन् ।

अध्यक्षका लागि अग्रवालले ९ सय ९८ मत प्राप्त गरी निर्वाचित भएका हुन् भने उनका निकटम प्रतिद्धन्दी जिवछ साहले ५ सय ६७ मत प्राप्त गरी पराजित भएका छन् । उनका प्यानलबाट महासचिवका लागि उम्मेदवारी दिएका साहेव अनवर भने मात्र १३ मतले पराजित भएको छ । महासचिवका लागि जिवछ साहको प्यानलबाट राकेश कुमार साह ७ सय ७३ मत प्राप्त गरी विजयी भएको छ । खसेको १६ सय ३ मतमा ३८ मत बदर भएको छ ।

शुक्रबार भएको मतदानमा संघमा आवद्ध रहेका १७ सय ७३ मतदाता मध्ये १६ सय ३ मतदाताले मतदान गरेका थिए ।