रौनियार सेवा समितिका पदाधिकारीहरुले सपथ खाए

पुरन रौनियार, जनकपुरधाम । रौनियार सेवा समिति जनकपुरधामको नयाँ कार्यसमितिको सपथ ग्रहण तथा प्रमाणपत्र वितरण कार्यक्रम समपन्न भएको छ ।

मसिंर १५ गते भएको समितिको आठौं सधारणसभाले अरुण कुमार गुप्ताको नेतृत्वमा १५ सदस्सीय नयाँ कार्यसमिति गठन गरेको थियो । सो नयाँ कार्यसमितिका पदाधिकारी र सदस्यहरुको एक समारोहका बिच आज सपथग्रहण, प्रमाणपत्र वितरण तथा पद हस्तानतरण गरिएको छ ।

निर्वतमान कार्यसमितिका अध्यक्ष लालबाबु गुप्ताको अध्यक्षतामा भएको समारोहमा नव निर्वाचित अध्यक्ष अरुण कुमार गुप्ता, वरिष्ठ उपाध्यक्ष रामप्रताप साह, उपाध्यक्ष राधेश्याम साह, महासचिव प्रमोद कुमार गुप्ता, सचिव इ. वैद्यनाथ साह र कोषाध्यक्ष उमाशंकर साह सहित सदस्यहरुको सपथ ग्रहण र प्रमाण पत्र वितरणका साथै पद हस्तान्तरण गरिएको थियो ।

साथै सदस्यहरु रामकुमार गुप्ता, बजरंग प्रसाद गुप्ता, किशोर प्रसाद गुप्ता, रामदयाल गुप्ता, सोतीलाल साह, अशोक कुमार गुप्ता, रामेश्वर प्रसाद साह, दिलिप प्रसाद साह र अनिल कुमार साह निर्वाचित भएका छन् । समाजका अगुवाहरुले समितिलाई समाजिक गतिविधीमा प्रभावकारी रुपमा अगाडी बढाउन नयाँ नेतृत्वलाई सुझाव दिएका छन् ।

रौनियार समुदायको हक अधिकार र विकासका साथै समाजमा समुदायको सकारात्मक प्रभावका लागि सक्रियता देखाउनु पर्ने वतmाहरुले बताए ।