मेयरद्धारा १० कठ्ठा जग्गा दान, २२ कठ्ठा कब्जा  !

न्यूज ब्यूरो, सप्तरी । सप्तरीमा एक स्थानीय तहका मेयरले २२ कठ्ठा जग्गा उपर कब्जा गर्न खोजेको आरोप लगाइएको छ ।

प्रदेश नं. २ कै सप्तरी जिल्लाको बोदे बर्साइनका मेयर आतेश कुमार सिँहले नगरपालिकाको कार्यालयको लागि १० कठ्ठा जग्गा दान गरेर सार्वजनिक २२ कठ्ठा उपर कब्जा गर्न खोजेको आरोप लगाइएको हो ।

३० लाखको जग्गालाई ५ करोडको मेडियाबाजी गरेको आरोप लगाउँदै नगर संघर्ष समितिका संयोजक ईन्जिनीयर आलोक कुमार यादवले त्यसको कुनै तुक नरहेको जीकिर गरे । उनले भने, "यसअघि पनि मिडियाहरुमा समाचार प्रकाशन प्रकाशित भएकै हो र स्थानीयहरुलाई सार्वजनिक जग्गाको बारेमा थाहै छ मेयरले यहि १० कठाको जग्गाको आडमा २२ कठा जग्गा निजिकरन प्रयास गर्दै छ ।"

उनले भने, "२०७५ साउन १४ गतेमा नै सो जग्गाको रजिष्ट्रेशन पास गरिसकेको छ । त्यो भन्दा पहिले यो सड्क निर्माण हुदै थियो, हाल यो सड्क निर्माण सम्पन भए पनि सोको कित्ताकाट गरि सार्बजनिक बाटो नभइ निजि रुपमा रहेको छ । यो २०० मिटरको बाटोले नगरपालिकाको लागि दान गरिएको १० कठाको कितालाई कदापी छुदैन ।"

मधेशको लाईफलाईन सडक हुलाकी राजमार्गबाट करिब २०० मिटर भित्र रहेको सो जग्गामा ६० लाखको लागतमा ढलान सडक टेन्डर प्रक्रियाद्धारा निर्माण भईसकेको जनाएको छ ।

बोदे बर्साइनका नगर प्रमुख सिँहले आफ्नो व्यक्तिगत स्वार्थका कारण तथा त्यो २२ कठ्ठाको सार्वजनिक जग्गालाई नीजिकरण गर्ने उदेश्यले नै नगरको वडा नं. ५ मा रहेको एडीबी फलफूल तरकारी बजारदेखि त्यही टोलको पोखरीको डिल (महार) सम्म करिब १ करोडको लागतमा सडक निर्माणको योजना पारेको आरोप सँयोजक यादवले लगाएका छन् ।

मेयरले पूर्वयोजना तथा सुनुयोजित ढँगले नगरपालिकाको लागि आफ्नो नीजि जग्गा दान गर्दै सार्वजनिक हितको जग्गालाई आफ्नो नाममा नीजिकरण गरेको आरोप लगाएका छन् । सडकको लागि छुटयाएको बजेटमै अन्यत्रै नगरपालिकाको कार्यालय निर्माण गर्न सकिने जनाउँदै उनले स्थानीयवासीहरुसँग सर्तकताको लागि आग्रह गरे ।

वडा नं. ५ का वडाध्यक्ष मो. मजेबुर रहमानले नगरपालिकाको कार्यालयको लागि दान गरिएको जग्गासम्म बनाइएको पक्की सडक नपुगेको बताए । पक्की सडक किन र कुन मसदले बनाइएको बारे अनभिज्ञता प्रकट गरे ।

उक्त सडक मार्फत अन्य टोलका स्थानीयहरुले हाटबजारको लागि सहजता महसुस गरेको बताउँदै मेयरले जग्गा कब्जा गर्न लागेको बारेमा कुनै जानकारी नभएको बताए ।

यता, नगरका मेयर आतेश कुमार सिँहसँग यस मुद्दाबारे कुराकानी गर्न खोज्दा व्यस्तता जनाए ।

यस सम्बन्धी अन्य समाचारहरु

बोदे बर्साइनका मेयरले सरकारी जग्गा हडपेको भन्दै युवा एक्सनमा

पावरको आडमा हड्पेको सरकारी जग्गाको छानविनको माग