नेकपाको प्रदेश कमिटिमा मेयर 'बरबरिया'

न्यूज ब्यूरो, जनकपुरधाम । नेकपाको प्रदेश नं. २ को कमिटिमा धनुषाबाट शहिदनगर नगरपालिकाका मेयर उदय कुमार बरबरियालाई चयन गरेको छ ।

सोमबार अपरान्ह सम्पन्न बैठकबाट प्रदेश नं. २ को कमिटि चयन भेलाबाट चयन गरिएको २ सय १५ जना मध्ये धनुषाबाट सदस्यमा कान्छो मेयर बरबरियालाई छनौट गरिएको हो ।

सबभन्दा ठुलो प्रदेश कमिटि मानिएको उक्त कमिटिमा बरबरियालाई चयन गरेपछि प्रतिक्रिया दिँदै उनले भने, नगर विकासको लागि संधै अग्रसर भएको छु । यसका साथै राजनीतिक यात्रासँग पनि विधिवत रुपमा जोडिन थालेको छु । तर मेरो राजनीतिक विचार र नगर विकासको सम्बन्ध अप्रत्यक्ष हुनेछ । राजनीतिक सम्बन्धबाट पनि उदेश्य मात्र नगर विकासको हुनेछ ।

प्रदेश कमिटिमा चयन भएपछि बरबरियाले आफूलाई गौरवान्ति तुल्याएको बताए ।