बामपन्थी सरकारको पालामा हत्या, बलात्कार : पूर्वमन्त्री यादव

सुरेन्द्र यादव , धनुषा । नेपाली काँग्रेसका नेता एवम् पूर्व मन्त्री रामकृष्ण यादवले बामपन्थी सरकार गठन भएदेखि देशमा बलात्कार, लुटपाट, हत्या हिंसाका घटना बढेको जीकिर गरेका छन् ।

मंगलबार धनुषा निर्वाचन क्षेत्र नं.२ का क्षेत्रीय कार्य समिति द्वारा आयोजित कर्याकर्ता भेटघाट कार्यक्रममा बोल्दै पूर्वमन्त्री यादवले बामपंथी सरकार गठन भएको देखि देशमा हत्या, हिंसा,बलात्कार,चोरी, डकैती दिनप्रतिदिन बढ्दै गएको बताउँदै सरकार पुर्णतः दानव प्रबृत्तिको भएको आरोप लगाए ।

छोरीलाई बलात्कार गरेर हत्या गरेको हत्यारा पत्ता लगाई दिन सरकार सँग गुहार माग्दा सरकारले हत्यारा पत्ता नलगाई निर्मलाकी बुबा अज्ञराज पन्तलाई पागल वर्तमान सरकारले नै बनाएको आरोप लगाए ।

धनुषाको शहिदनगर नगरपालिका वडा नं. ५ स्थित बिर्ता चौकमा निर्वाचन क्षेत्र नं.२ का क्षेत्रीय सभापति राजकिशोर सिंह र उपसभापति नवीन गोइहवारको अध्यक्षतामा आयोजित कार्यक्रममा कांग्रेसका संविधान सभाका पुर्व साँसद दिनेश प्रसाद प्रसैला यादव , जिल्ला सभापति महेश शंकर गिरि लगायतका नेताहरुले आ आफ्नो मनतव्य राखेका थिए ।

कार्यक्रममा मनतव्यको क्रममा बोल्दै पुर्व संसद दिनेश प्रसैला यादवले ९ महिनाको अवधीमा सरकारले व्यापारी,कर्मचारी,पत्रकार र नागरिकलाई तर्साउने बाहेक केही नगरेको र पत्रकारले कम्युनिष्ट सरकारको हल्का प्रतिकूल हुने गरि लेख्दा बोल्दा पत्रकार कारबाही गरेर प्रेसलाई आफ्ना पार्टीको प्रचारक बनाउन खोजेको आरोप लगाए । एउटा चुनाव हार्दैमा कांग्रेस कमजोर नभएको बताए ।

आउँदो चुनावमा कांग्रेसले सबैभन्दा ठुलो पार्टी बनेर गाउँ देखि केन्द्र सम्म सरकार बनाउनेमा आफ्ना कर्याकर्तालाई ढुक्क हुन आग्रह गरे ।

सो कार्यक्रममा क्षेत्रका जनताहरुको उल्लेख सहभागीता रहेको थियो ।