छात्रा जिस्काउँदा भएको झड्पमा ५ घाईते, ३ को अवस्था गम्भीर !

न्यूज ब्यूरो, रौतहट । रौतहटमा छात्रा जिस्काएको निहुँमा भएको दुई पक्षबीचको झडपमा ५ जना घाईते भएका छन् ।

जिल्लाको गौर नगरपालिकामा विद्यालयमा अध्ययन गर्न जाने छात्राहरुलाई जिस्काउँदा बादविवाद भई झड्प हुँदा पाँच जना घाईते भएका छन् । गौर नपा वडा नं. ६ पुरेनवाबाट विद्यालय पढ्न आउने छात्राहरुलाई बरहवा खोलामा रहेको झुलुंगे पुलमा वडा नम्वर ५ का केही युवाहरुले बसेर जिस्काउने गरेको थिए । ति छात्राहरुले आफना अभिभावकलाई गुनासो गरेपछि विवाद उग्र भएको थियो ।

युवाहरुको अभिभावकलाई सम्झाउन जाँदा वादविवाद भई दोहोरो झड्प हुँदा वडा नम्वर ६ पुरेनवाका ५० बर्षिय बदामी साह, २८ बर्षिय शिकारचन राम र २४ बर्षिय अनिल साह सहित ५ जना घाईते भएका हुन् ।

घाईते मध्ये बदामीको टाउको हडी भाँचिएको , राम र साहको पनि टाउकोमा घाँउ लागेको निजहरुलाई जिल्ला अस्पताल गौरमा सामान्य उपचारपछि थप उचारको लागि विरगंज पठाइएको प्रहरीले जनाएको छ ।

विरगंज स्थित न्यूरो अस्पतालमा तिनै जनाको उपचार भईरहेको छ भने उपचारमा संलग्न चिकित्सकका अनुसार बदामीको अवस्था चिन्ताजनक रहेकोमा अहिले केही भन्न नसकिने तथा अन्यको सुधारोन्मुख रहेको बताइएको छ ।

यसैविच, घटनामा संलग्न रहेका मुख्य दोषि जितेन्द्र कुश्वाहालाई प्रहरी पक्राउ गरेर अनुसन्धान गरिरहेको छ भने कुश्वाहाको वयानको आधारमा दोषिहरु पहिचान भईसकेको हुँदा उनीहरुलाई यथाशिघ्र पक्राउ गरिने रौतहट प्रहरीका प्रमुख एसपी केदार ढकालले जानकारी दिए ।

घाईतेहरुलाई युवा नेता साहको सहयोग

दोहरो झड्पमा परेर गम्भीर घाईतेहरुको घरायसी अवस्था अत्यन्तै दैनिय रहेको हुँदा उपचार गर्न समेत गाह्रो रहेको अवस्थामा नेपाल कम्युनिष्ट पार्टी (नेकपा) का युवा नेता शम्भु साह कानुले ५१ हजार रुपैया आर्थिक सहयोग गरेको पिडित परिवारले जनाएको छ ।
उनीहरुलाई थप उपचारको लागि चाहिने आर्थिक सहयोगलाई मध्यनजर गर्दै युवा नेता साहले उपचारको लागि ५१ हजार रुपैयाँ सहयोग गरेका हुन । उनीहरुलाई सहयोग गर्ने नेता साहलाई पीडित परिवारले आभार व्यक्त गरेका छन् भने स्थानीयहरुले समेत प्रशंसाको पात्र बनाएका हुन् ।