न्यूज ब्यूरो प्रभाव : धनुषाको सर्सा स्कूलको परीक्षा रद्द !

न्यूज ब्यूरो, धनुषा । गत कार्तिक ११ गतेदेखि धनुषाको निमावी सर्सामा लगाइएको ताला शुक्रबारदेखि खुल्ने सहमति भएको छ ।

प्रा.वि. राहत शिक्षक भर्नामा अनियमितता भएको भन्दै विद्यालयका विद्यार्थी एवम् अभिभावकहरुले विद्यालयमा तालाबन्दी गर्दै पठनपाठन बन्द गराएका थिए । न्यूज ब्यूरोले धनुषाको सर्सा स्कूलमा विद्यार्थी र अभिभावकले हाने ताला शिर्षकको समाचार प्रकाशित गरेपछि शिक्षा विकास तथा समन्वय इकाई धनुषा जनकपुरधामले गत कार्तिक १२ गते नै चलानी नं. ८७४ को पत्रानुसार विज्ञापन खुल्ला गरी लिइएको परीक्षा रद्द गरी पुनः लिइने निर्णय गरिएको हो ।

विहिबार बसेको बैठकबाट विद्यालयको पठनपाठन सुचारु गर्ने प्रस्ताव उपर छलफल गर्दै तथा जिल्ला समन्वय समितिको पत्रलाई समेट्दै शिक्षक भर्नाको लागि परीक्षा पुनः गराइने भएको छ । शुक्रबार कार्तिक १६ गतेदेखि विद्यालयको पठनपाठन साबिक अनुसार नियमित हुने जनाइएको छ ।

यसअघि विद्यालयका प्र.अ.ले आफनी छोरीलाई रकमको चलखेल तथा परीक्षा विधि विपरित राहत कोटामा जागिर दिएको भन्दै विद्यार्थी र अभिभावक आन्दोलीत भएका थिए ।