धनुषामा अपराध नियन्त्रण गर्न समुदायसँग प्रहरी

न्यूज ब्यूरो, जनकपुरधाम । दिनानुदिन बढदै गएको अपराधिक क्रियाकलाप र अपराध नियन्त्रणको लागि धनुषा प्रहरीले समुदायसँग हात्तोमालो गर्ने भएको छ ।

धनुषाको ईलाका प्रहरी कार्यालय यदुकूहाले आईतबार आयोजना गरेको समुदाय र प्रहरीको साँझा अभियान कार्यक्रममा प्रहरीले स्थानीय समुदायसँग हात्तोमालो गरी समाजिक अपराधलाई नियन्त्रण गर्ने प्रतिवद्धता जनाइएको छ ।

यदुकूहाका प्रहरी निरीक्षक भिम बहादुर खड्काको नेतृत्वमा सम्पन्न भएको उक्त कार्यक्रमा प्रहरी र स्थानीयले बैलुन उडाएर अभियानको शुभारम्भ गरेका हुन् ।

प्रहरी र समुदायसँगको साँझेदारी अभियानले अपराध नियन्त्रण गर्ने विश्वास सहित अपराध नियन्त्रणको लागि तथा अपराध न्यूनिकरण गर्नको लागि समाजको अहम भूमिका रहेको भन्दै अभियान सँचालन गरेको प्रहरी नीरिक्षक खडकाले जानकारी दिए ।

यो अभियान सँचालनपछि समुदायका युवाहरुले प्रहरीसँग हातोमालो गर्दै प्रहरीको काम कारवाहीमा समेत मदत गर्ने विश्वास लिएका हुन् । उक्त ईलाकामा यो कार्यक्रम सँचालन भएपछि स्थानीय बुद्धिजीवी, राजनीतिकर्मी र समुदायले खुसी व्यक्त गरेका थिए ।