राजदेवीमा बोकाबलीको रसिद काँटिदै, १४ हजार बढी बोका बलीको अनुमान

न्यूज ब्यूरो, जनकपुरधाम । प्रत्येक वर्ष राजा जनककी कुलदेवी माता राजदेवीलाई भेटी स्वरुप दिँदै आएको बोकाबलीको लागि रसिद कटान सुरु भएको छ ।

विहिबारदेखि नै मन्दिर परिसर भित्रै रहेको गुठी सँस्थानमा बोकाबलीको लागि रसिद (पूर्जी) काट्न सुरु गरिएको राजदेवी पूजन आयोजक महाविर युवा कमिटीका अध्यक्ष रोशनशेखर जयसवालले जानकारी दिए ।

प्रत्येक वर्षझैँ यसवर्ष पनि बोकाबलीको कार्यक्रम अष्टमी तिथिको रहेको जनाइएको छ । अष्टमी तिथिको साँझा ६ ३० बजेदेखि बोका बली कार्यक्रम सुरु हुने अध्यक्ष जयसवालले जानकारी दिए ।

जयसवालका अनुसार, सप्तमी तिथिको विहान माता राजदेवीमा भव्य श्रृङगार कार्यक्रम रहेको छ । भव्य श्रृङगारपछि महाआरती हुने छ । सप्तमी तिथिकै राती १० बजेदेखि प्रसाद ( लड्डु चढाउने) कार्यक्रमको लागि पँगति आरम्भ हुनेछ ।

यसपाली पनि बोका बलीको लागि प्रति टाउको २ सय रुपैयाँ तोकिएको छ । एउटा बोका (खँसी) वापत २०० रुपैयाँको रसिद कटाउनुपर्ने छ ।

राजदेवीमा हुँदै आएको बोका बलीको यहाँको गायत्री परिवार सहित अन्य संघ सँस्थाहरुले विरोध गर्दै आएको छ । राजदेवी मन्दिर लगत्तै भगवान रामको मन्दिर रहेको भन्दै बोकाबली उचीत नभएको भन्दै विरोध जनाउँदै आएको छ । गायत्री परिवारले जनकपुरधाममै कत्तै पनि बली प्रथा नगर्न आग्रह गर्दै आएको छ ।