धनुषाको दुबरकोटमा अरगरियाद्धारा दुर्गा मन्दिरको शिलान्यास

न्यूज ब्यूरो, जनकपुरधाम । धनुषाको कमला नगरपालिका वडा नं. ९ दुबरकोटमा बुधबार दुर्गा मन्दिरको शिलान्यास गरिएको छ ।

धनुषा निर्वाचन क्षेत्र नं. २ का प्रतिनीधि सभा सदस्य एवम् संघीय समाजवादी फोरम नेपालका प्रमुख सचेतक समेत रहेका नेता अरगरियाले कलशयात्रीलाई स्वागत गर्दै दुर्गा मन्दिरको शिलान्यास गरेका हुन् ।

त्यहाँ विगत देखि नै लाग्दै आएको दुर्गा पुजाको अवसरमा दुर्गा मन्दिर को सिलन्यास गरिएको उनका निकटमत एवम् युवा नेता विनोद रोहिताले जनाए । दुर्गा मन्दिर निर्माणको लागी जग्गा जग्गा दाता राम सेबक मण्डलको अध्यक्षता तथा अरगरियाको प्रमुख आतिथ्यमा भएको एक समारोहबीच मन्दिरको हिन्दुधर्मको विधिवत रुपमा शिलान्यास गरिएको हो ।

उक्त कार्यक्रममा पार्टीको केन्द्रिय सदस्य अरुण सिंह मण्डल , जिल्ला युवा नेता अबदुल शेख , विनोद रोहिता , छठु मण्डल , जिबछ पगहिया , प्रमोद अधिकारी , युवा केन्द्रिय सदस्य अशोक मण्डल , शिक्षक फोरमका जिल्ला सचीव पवन कुमार मण्डल लगायतका नेताकार्यकर्ताको उपस्थिति रहेको थियो ।