युनियन लाईफ इन्स्योरेन्सको आकर्षक र दरिलो प्रगति

न्यूज ब्यूरो, जनकपुरधाम । निकै छोटो अवधीमा युनियन लाइफ इन्स्योरेन्स कम्पनिले आकर्षक र दरिलो प्रगति गर्न सफल भएको छ ।

९ महिनाको प्रथम शुल्क ८६ करोड भन्दा माथि र गत आर्थिक वर्षको असोज ६ गतेबाट व्यावसायिक रुपमा कारोबार सञ्चालन गरेको जीवन बीमा युनियन लाईफ इन्स्योरेन्सले छोटो समयमै व्यावासयिकताको दृष्टिकोणले स्थापित हुन सफल भएको देखिएको छ ।

कम्पनिले सोहि अबधिमा कम्पनीले ९ करोड ३५ लाख खुद मुनाफा गर्न सफल भएको हो । तर, जीवन बीमा कम्पनीहरुको बिमंकीय मुल्यांकन नगर्दा सम्म यो मुनाफा नै अन्तिम भने होइन। युनियन लाईफ इन्स्योरेन्स जनकपुरधाम शाखा प्रमुख सँजीव रौनीयारले भने ।

उनले भने, कम्पनीले सार्वजनिक गरेको वित्तीय विवरण अनुसार कम्पनीको दीर्घकालिन लगानी तथा कर्जा ७२ करोड ४९ लाख पुगेको छ, भने बिमालेख धितोमा दिने कर्जाको रकम ७ करोड ३३ लाख भन्दा माथि छ । समीक्षा अबधिमा कम्पनीले एकल भुक्तानी जीवन बीमा बापत सबैभन्दा धेरै १४ करोड ७ लाख रुपैयाँ बीमाशुल्क संकलन गरेको छ ।

कम्पनीले गत आर्थिक वर्षको चौथो त्रैमशिकमा मात्र ३७ करोड ८१ लाख रुपैयाँ प्रथम बीमा शुल्क आर्जन गर्न सफल भएको कम्पनीको हेडक्वार्टर तथ्याँकलाई उदृत गर्दै जनकपुर शाखा प्रमुख साहले थपे ।

कम्पनीले ९ महिनाको संचालन अबधिमा ६९ हजार ५ सय ९० ओटा बीमालेख जारी गरेको छ, कम्पनीले संचालनको अबधि देखि अहिले सम्म ९ ओटा बीमालेख मार्फत ९८ लाख रुपैयाँ दाबी भुक्तानी गरेको बताइएको छ ।

यस कम्पनीमा प्रतिष्ठित उद्योगपति, व्यापारी, समाजसेवीहरु एवं समाजका प्रतिष्ठित ब्यक्तिहरु सहित जगदम्बा समूह, गोल्छा समूह, गाडिया समूह,न्यौपाने समूह, राजेश हार्डवेयर तथा टिवडेवाल समूह आदिको लगानी रहेको छ ।

जीवन बीमा ब्यवसायको माध्यमबाट देशभर छरिएर रहेकोे आर्थिक श्रोत र साधनलाई जीवनबीमा शुल्कका रुपमा संकलन गरी देशको आर्थिक बिकासमा योगदान पुर्याउने र समग्र नेपालीहरुको आर्थिक जीवनस्तर सुदृढ तुल्याउने अभिप्रायले स्थापित यूनियन लाइफ इन्स्योरेन्स कम्पनीको चुक्ता पूँजी हाल एक अर्ब ५० करोड रहेको बताउँदै सर्वसाधारणका लागि छुटयाईएको ६४ करोड रुपैयाँ बराबरको साधारण सेयर निश्काष्न गरि चुक्ता पुंजी २ अर्ब १५ करोड पुरयाउने लक्ष्य रहेको कम्पनीलाई उदृत गर्दै शाखा प्रमुख साहले जनाए ।

जीवन बीमा ब्यवसायको माध्यमबाट देशभर छरिएर रहेकोे आर्थिक श्रोत र साधनलाई जीवनबीमा शुल्कका रुपमा संकलन गरी देशको आर्थिक बिकासमा योगदान पुर्याउने र समग्र नेपालीहरुको आर्थिक जीवनस्तर सुदृढ तुल्याउने अभिप्रायलिई यूनियन लाइफ इन्स्योरेन्स कम्पनी लिमिटेड स्थापना भएको हो ।

सिद्धार्थ नगरनगरपालिका–८, रुपन्देहीमा रजिष्ट्रर्ड कार्यालय र काठमाण्डौ महानगरपालिका–१०, नयाँबानेश्वर, काठमाण्डौमा प्रधानकार्यालय रहेको यस कम्पनी, कम्पनी रजिष्ट्रारको कार्यालयमा दर्ता भई बीमा समितिबाट जीवनबीमा ब्यवसाय संचालन गर्न ईजाजत पाए अनुसार कम्पनीले मिति २०७४।०६।०४ गते कारोवार संचालनको स्वीकृतीप्राप्त गरी तत्पश्चात नियमित रुपमा कारोवार संचालन गरिरहेको छ ।