निर्मलाको न्यायका लागि चितवनमा विशाल प्रदर्शन

न्यूज ब्यूरो, चितवन । बलात्कार पछि हत्या गरिएकी कञ्चनपुरकी १३ वर्षीया किशोरी निर्मला पन्तको न्यायको लागि चितवनमा प्रदर्शन गरिएको छ । अपराधीलाई सरकारले कारवाही गर्न चुकेको भन्दै नेवि संघ चितवन तथा मैयाँ देवि कन्या कलेजद्धारा प्रदर्शन गरिएको हो ।

२ महिना हुन लाग्दा पनि निर्मलाको बलात्कार र हत्यामा संलग्न पत्ता लगाउन नसकेको भन्दै ‍र्यालीका सहभागीहरूले सरकारको चर्को विरोध गरेका छन् । हत्यारालाई कार्वाही गर, पीडितलाई न्याय दे, महिला हिंसा बन्द गर जस्ता नाराबाजी गर्दै उनीहरुले सरकारको चर्को बिरोध सहित दवाब दिएका थिए ।

विरोध र्यालीमा चितवनका नेवि संघका प्रभावशाली नेता प्रमेश्वर खनाल, केन्द्रिय सदस्य सरोज रेग्मी, कल्पना पौडेल, सम्पूर्ण कलेजका ईकाइ अध्यक्ष, आम नवि संघका विद्यार्थी नेता तथा स्थानीहरुको बाक्लो सहभागिता रहेको थियो ।

उनीहरुले चौबिसकोठीमा भेला भई जोडदार नारा धन्काएका थिए । निर्मलाले न्याय नपाउञ्जेल नेवि संघको खबरदारी नरोकिने नेवि संघ चितवनका नेता खनालले चेतावनी दिएको सहकर्मी शंकर प्रसाद यादवले जानकारी दिए ।