सरकारको कामकाजले जनतामा डर, त्रास उत्पन्न : नेता निधि

न्यूज ब्यूरो, जनकपुरधाम । नेपाली काँग्रेसका उपसभापति विमलेन्द्र निधिले वर्तमान सरकारका प्रधानमन्त्री केपी शर्मा ओलीले पार्टी र सरकार विरुद्ध बोल्नेलाई अरिङगाल (माहुरि) झै झम्टिने निर्देशन दिनु देश द्वन्दको खतरामा प्रवेश गर्नु भएको बताएका छन् ।

उनले सरकारको कामबाट आम जनतामा डर, त्रास र भयको वातावरण तयारका लागि सघाईरहेको आरोप लगाएका छन् । आईतवार जनकपुरधाममा आयोजना गरिएको नेपाल स्वास्थ्यकर्मी संघको प्रथम प्रदेश अधिवेशनको उद्घाटन सत्रमा बोल्दै भने, ‘प्रधानमन्त्री जस्तो व्यक्तिले नेकपा र सरकार विरुद्ध बोल्नेलाई अरिङगाल बनेर लाग्न निर्देशन दिनु अलोकतान्त्रिक चरित्र हो ।’

पूर्व गृहमन्त्री समेत रहेका निधिले कञ्चनपुरकी १४ वर्षिया निर्मला हत्या काण्डमा दोषिलाई सरकारले कानूनको कटघारामा उभ्याएर सजाय दिनुपर्नेमा संरक्षणमा लागेको आरोप लगाए। उनले भने, ‘अरिङगाल झै झम्टिने अभिव्यक्तिलाई राष्टिूय तथा अन्तरािष्ट्रय मानव अधिकारकर्मी र पत्रकारले गम्भीर रुपमा लिनुपर्छ । हैन भने, ‘मानव अधिकारकर्मीको काम छैन ।’

सोही कार्यक्रममा नेपाली काँग्रेसका केन्द्रिय सदस्य महेन्द्र रायले मधेशलाई तहस–नहस र बर्बाद गर्ने पार्टी फोरम र राजपा नेपाल रहेको आरोप लगाएका छन् । उनले मधेश आन्दोलनको नाममा फोरम र राजपाले जनताको भोट ठगेको आरोप लगाए ।

पूर्व मन्त्री समेत रहेका यादवले काठमाण्डौंमा सबैभन्दा बढी झुठो बोल्ने ओली र मधेशमा फोरमका अध्यक्ष उपेन्द्र यादव रहेको आरोप लगाए । कार्यक्रममा नेपाली काँग्रेसका नेता रामसरोज यादव, स्वास्थ्यकर्मीहरु लगायतले आ–आफ्नो शुभकामना मन्तव्य राखेका थिए । जनकपुरबाट प्रकाशित हुने आजको न्यजपेपर दैनिकमा समाचार छ ।