समुदायिक विद्यालयका कर्मचारीहरु आन्दोलनमा, ७ बुंदे आन्दोलनको घोषणा

न्यूज ब्यूरो, धनुषा । नेपाल सरकारले समुदायिक विद्यालय कर्मचारीहरुको माग पुरा नगरेको भन्दै विद्यालय कर्मचारीहरु आन्दोलनमा उत्रेका छन् ।

समुदायिक विद्यालयका कर्मचारीहरुको पेशागत हक अधिकार, सेवा, सुविधा र सुरक्षाका लागि शान्तिपूर्ण रुपमा आन्दोलन गर्दै आएका विद्यालय कर्मचारी सँयुक्त आन्दोलन परिचालन समिति काठमान्डौँले सरकारले सर्वोच्च अदालतको आदेशलाई समेत अवज्ञा गरी आफूहरुको मागप्रति उदासिन भएको भन्दै आन्दोलनका कार्यक्रमहरु घोषणा गरेका छन् ।

वि.स. २०६७ सालमै सर्वोच्च अदालतको फैसला र आदेशको ६ महिनाभित्र आदेश पूर्ण कार्यन्वयन गर्नु भन्ने समेतको २०७१ सालको फैसला समेत सरकारले कार्यन्वयन नगरेको भन्दै आन्दोलनमा उत्रेको समितिको ठहर छ ।

शिक्षा ऐनको आठौँ संशोधन दफा १६ ठ मा भएको कर्मचारी सम्बन्धी व्यवस्था समेत कार्यन्वयन नगरी दरबन्दी, समाजयोजन, पदस्थापन, आन्तरिक प्रतियोगिता, तलवभत्ता, सँचयकोष, मँगहीभत्ता, पोशाकभत्ता, निवृतभरण, उपदान, औषधी उपचार, विमा, विदा र ट्रेड युनियन अधिकार लगायतका विषयमा कर्मचारीहरुको श्रम शोषण भएको भन्दै आन्दोलन गर्न बाध्य भएको जनाइएको छ ।

समितले सर्वोच्च अदालतको फैसला बमोजिमको सर्भिस लो अविलम्ब कार्यन्वयन गर्नुपर्ने, शिक्षा ऐनको आठौँ सँशोधनको दफा १६ को ठ विद्यालय कर्मचारी सम्बन्धी व्यवस्था अविलम्ब लागू गर्नुपर्ने लगायतका मागहरु अघि सारेर आन्दोलनमा छन् ।

आन्दोलनका कार्यक्रमहरुमा आईतबार भदौ ३१ गते जिल्ला प्रशासन कार्यालय र शिक्षा विकास तथा समन्वय ईकाईमा सबै जिल्ला कार्यसमितिहरुले ध्यानाकर्षण अजत्र बुझाउने, ३१ भदौ र १ असोजमा हातमा कालोपट्टी बाँधेर काम गर्ने, असोज २ गते काठमान्डौँ जाऔ अभियान अन्तर्गत प्रअलाई विद्यालयको तालाचावी बुझाई देशैभरिका विद्यालय कर्मचारी रत्नपार्क शान्तिवाटीकामा १० बजे भेला हुने, रत्नपार्क शान्ति वाटीकाबाट विहान ११ बजे ब्यानर, प्लेकार्ड सहितको रयाली निकाली बागबजार, पुतलीसडक, न्यूप्लाजा, अनामनगर, हनुमानस्थान, भाटभटेनी, प्रभुबैँक, बबरमहल हुँदै नयाँ बानेश्वर पुगेर कोण सभा गर्ने , असोज ३ गते व्यापारिक उद्योग प्रतिष्ठान लगायतमा काम गर्ने श्रमिक कर्मचारीका लागि न्यून्तम पारिश्रमिक, सँचयकोष र अन्य सेवासुविधाको बारेमा कटौतीको विरोध गर्दै महिला बाहेक पूरुष कर्मचारीले गन्जी लगाएर माईतीघर मण्डलामा भेला भई संविधानको धारा १२६ को उपधारा २ जलाउने, असोज ४ गते रत्नपार्कमा विहान १० बजे भेला भई ब्यानर, प्लेकार्ड सहितको जुलुस निकाल्ने, ५ गते बसन्तपुरमा १० बजे भेला हुँदै न्यूरोड, रत्नपार्क, शान्तीवाटीका हुँदै भद्रकालीमा पुगेर रिले अनसन सुरु गर्ने तथा ६ गते असोजको रिले अनसन लगायत आवश्यकता अनुसार दैनिक रयाली जुलुस गर्दै आमरण अनसन समेत सुरु गर्ने कार्यक्रम रहेको विद्यालय कर्मचारी युनियनका सँयोजक सुरेन्द्र प्रसाद कानु र विद्यालय कर्मचारी संगठन नेपालका सह सँयोजक रतन बहादुर सिँहद्धारा जारी गरिएको प्रेस विज्ञप्तिमा उल्लेख छ ।

धनुषाको खजुरी माविका विद्यालय कर्मचारीहरुले समेत आन्दोलनलाई मूर्त रुप दिनको लागि समितिगत बैठक शनिबार बसेका छन् भने आन्दोलन चर्काउने निर्णय गरेको हो ।