महोत्तरीमा मगही भाषा कविता वाचन प्रतियोगिता सम्पन्न

न्यूज ब्यूरो, महोत्तरी । महोत्तरीको गौशालामा जिल्लास्तरीय मगही भाषा कविता वाचन प्रतियोगिता सम्पन्न भएको छ ।

युवा कवि समाज जनकपुरधामको आयोजना तथा गौशाला साहित्य समाजको संयोजकत्वमा सम्पन्न भएको सो प्रतियोगितामा सहभागी हरेकलाई प्रमाणपत्र र शैक्षिक सामग्री वितरण गरिएको छ ।

प्रतियोगितामा सहभागी जिल्लाभरिमा सामुदायिक विद्यालयमा अध्ययनरत विद्यार्थीहरुले मगही भाषामा आ आफना प्रतिभा कवितामार्फत प्रस्तुत गरेका थिए ।

सो प्रतियोगितामा प्रथम स्थानमा विमला शर्मा, दोस्रो स्थानमा प्रियंका महतो र तृतीय स्थानमा संजीव महतो रहेका गौशाला साहित्य समाजका मन्जित कुमार महतोले जानकारी दिनुभयो ।