अनियमितता भएको भन्दै वडा कार्यालय घेराउ

न्यूज ब्यूरो, सुनसरी । सुनसरीको दुहबी नपा ६ नम्वर वडा कार्यालयमा अनियमितता भएको भन्दै स्थानियवासीहरुले वडा कार्यालय घेराउ गरेका छन ।

बाढी पिडितको नाममा आएको रकम आफ्ना छेवछावका कार्यकर्ता र आसेपासेलाइ बाढेको भन्दै दुहवी ६ का स्थानियवासीहरु आन्दोलीत भएका हुँन । स्थानियहरुले बाढी पिडितको नाममा आएको रकममा चलखेल भएको भन्दै शुक्रवार ६ नम्वर वडा कार्यालय घेराउ गरेका थिए ।

उनीहरुले विरोध प्रदर्शन गर्दै बाढीले क्षति पु¥याएको यो क्षेत्रका लागि आएको बाढीपीडितको राहत रकम जनप्रतिनिधिले आफ्ना छेवछावका कार्यकर्ता र आफ्न्तलाइ समेत नक्कली बाढीपडित बनाइ रकम कुम्ल्याएको भन्दै दुहवी नगरपालिकामा प्रर्दशन समेत गरेका थिए ।

स्थानिय कुन्दन पासवानले भने ‘‘वास्तविक बाढीपीडितहरुले राहत रकम नपाइरहेका बेला जसको दुहवी वडा नम्वर ६ मा घर छैन उसलाइ कसरि वडाध्यक्षले सिफारिस गरिदियो यो त अति भयो भन्दै उनी आश्चर्यमा परेको बताए’’ । उनले भने ‘‘घरै नभएकाहरु कसरी बाढी पिडित हुन्छ यो त जनप्रतिनिधिहरुको मिलेमतो भएको प्रष्टै देखिएको छ, भ्रष्टचारको चरमसिमा नाघयो उनले भने ’’ ।

जनप्रतिनिधिले आफ्ना छेवछावका कार्यकर्ताहरुलाइ नक्कली बाढीपीडित बनाई वास्तविक बाढीपीडितहरुलाइ थप पिडा पुर्याएको भन्दै शुक्रवार दुहवी नगरपालिकामा तालाबन्दी गर्ने भन्दै स्थानियहरु आक्रोसित भएका थिए ।

बाढी पिडितको नाममा आएको उक्त रकम अनियमित तरिकाले वितरण भएको स्थानीय नेता रहिम मियाँको आरोप छ । शुक्रवार दुहवी नगरपालिका २ घण्टाजसो तनावग्रस्त रहेको थियो । दुहवी नगरपालिका तनावग्रस्त अवस्थामा कुनै अप्रिय घटना न होस भनेर सुरक्षाकर्मी समेत परिचालन गरिएको थियो ।

स्थानियवासीहरु आक्रोसित भएपछि दुहवी वडा नम्वर ६ का वडाध्यक्ष मुन्ना हलुवाईले बाढीपिडितको लागि आएको राहत रकमको बारेमा बोलेका थिए । वडाध्यक्ष मुन्ना हलुवाईले हातको औंला समेत बराबर न भएको भन्दै केहि प्राविधिक त्रुटी भएको हुँन सक्ने हुँदा आगामी दिनहरुमा सच्चयाएर जाने जनाए ।

साथै उनले आफ्नो वडामा ३०० भन्दा बढी बाढी पिडीत भएको तर दुहवी नगरपालिकाले ६ नम्वर वडामा २७ जनालाईमात्र राहत रकम उपलब्ध गराउँने भनेपछि बाढी पिडीतको डाटा संकलन गर्दा समस्या भएको बताए । बाढीपीडितको रकमको विषयमा दुहवी ६ का वडा सदस्य इरफान मियाँले यो सबै समस्याको जड दुहवी नगरपालिकाका प्रमुख र प्रमुख प्रशासकीय अधिकृतले गर्दा भएको वताए ।

इरफान मियाँका अनुसार धेरै बाढीपीडितको ठाउँमा थोरैलाइ राहत बाँड्दा ठुलो समस्या देखिने आफुले वताएपनि वहाँहरुले जवरजस्ती बाँड्न लगाएको आरोप लगाए । यस विषयमा दुहवी नगरपालिकाका प्रमुख प्रशासकीय अधिकृत खेमराज ओझाले दुहवी नगरपालिकाभरी ८ हजार भन्दा बढी बाढीपीडित भएपनि ५२३ जनाको मात्र राहत रकम आएकोले राहत रकम फिर्ता पठाउँनु भन्दा थोरैले भएपनि दुहवीवासीले राहत रकम पाउँन भन्ने उदेश्यले धेरै क्षती भएका वास्तविक बाढीपीडितहरुको पहिचान गरि बाढ्न लगाएको वताउँनु भयो ।

दुहवी नगरपालिकाका प्रवक्ता एवं कार्यवाहक प्रमुख बिजय कुमार चौधरीले सोमवार दुहवी नगरपालिकाका प्रमुख आउँनु भएपछि दुवै तर्फबाट वार्ता टोली गठनगरि छलफल गरेर निरीक्षण समिति बनाएर वास्तविक बाढीपीडितहरुको पहिचान गरिने भनेपछि विरोध प्रदर्शन शान्त भएको थियो ।