पिकअपले ठक्कर दिँदा दुईको अवस्था गम्भिर

न्यूज ब्यूरो, धनुषा । धनुषामा पिकअप गाडीले मोटरसाईकललाई ठक्कर दिँदा दुई जना गम्भिर घाईते भएका छन् ।

धनुषाको क्षीरेश्वरनाथ नगरपालिका वडा नं. २ कुम्हरौल स्थित जनकपुरधाम ढल्केवर सडकखण्ड अन्तर्गत पिकअपले ठक्कर दिएको प्रत्यक्षदर्शीहरुले बताएका छन् । ज ६ प ५६३६ नम्बरको मोटरसाईकलमा सवार जनकपुरधाम उपमहानगरपालिका वडा नं. २ बस्ने बर्ष ४३ का मुकेश शर्मा र एक अन्य गम्भिर घाईते भएका छन् ।

प्रहरीले दिएको जानकारी अनुसार शर्माको स्वास्थ्य अवस्था चिन्ताजनक नै रहेको छ र उनको उपचार रमदैया भवाडी स्थित जानकी मेडिकल कलेजमा भईरहेको छ । एक जनाको नाम भने खुल्न सकेको छैन ।

ठक्कर दिने पिकअप फरार भएको छ भने खोजी कार्य भईरहेको प्रहरीले जनाएको छ ।