महिला हिंसा रोक्न रौतहटमा महिलाहरुले बाँधे मुखमा 'कालो पट्टी'

न्यूज ब्यूरो, नेपाल । कञ्चनपुर सहित देशै भरी महिला हिँसाको बढोत्तरी भएको र ७ महिनाको शिशु देखि बृद्ध महिलाहरु माथी भईरहेको बलात्कारको घटनाको विरोधमा रौतहटको सदरमुकाम गौरमा ऐक्यवद्धता रैली निकालिको छ ।

बिहीबार गौरको उपमेयर किरण ठाकुरको नेतृत्वमा अधिकारकर्मी तथा अभियन्ताहरुले मुखमा कालोपट्टी बाँधेर रयाली सहित मौन प्रदर्शन गरेका छन् । "बलात्कारी लाई कडा भन्दा कडा कारवाही गर, महिला सुरक्षाको ग्यारेन्टि गर, महिला हिंसा बन्द गर जस्ता नारा लेखेका प्ले कार्ड बोकी हात तथा मुखमा कालो पट्टि बाधी प्रर्दशन गरेका छन् ।

ग्रामिण विकास केन्द्र (आरडिसी) को आयोजना र अक्सफामको सहयोगमा रौतहटमा संचालित महिला र बालिका विरुद्ध हुने हिंसा अन्तयको लागि अभियान परियोजना अन्र्तगत सो प्रर्दशन गरिएको छ । विपी चोकबाट सुरु भएको र्यालीले विभिन्न भागको परिक्रमा गर्दै मौन रुपमा जिल्ला प्रशासन कार्यालय पुगेको थियो ।

महिला तथा बालबालिका प्रति बढी रहेको यौनहिंसा लगायतका घटनाहरुप्रति सरकार संवेदनशील नबनेको प्रर्दशनमा सहभागी भएकाहरुले बताए ।गौर नगरपालिकाकी उपमेयर किरण ठाकुरले यस्ता जघन्य घटनाहरुप्रति सरकार जिम्मेवार बन्नु पर्ने तथा दोषीहरुलाई कारवाही गर्न ढिलो गर्न नहुने बताएकी छिन ।

देशमा बढेको महिला हिंसाको घटनाका कारण बालिका तथा किशोरीहरुमा डर फैलिएको उनले बताइन् ।त्यस्तै, महिला हिन्सा रोकनु हामी सवैको कर्तव्य भएकोले सरकारलाई दवाद दिने उदेश्यले यो रैलि निकालिएको आयोजक संस्थाका आरडिसी नेपालका अध्यक्ष पारस हुसैनले बताए ।

राज्य महिला हिन्सा प्रति उदासिन भएकोले राज्यलाई अवगत गराउने उदेश्यले यो दवाव मुल सांकेतिक रैली भएको अध्यक्ष हुसैनले बताए । रैलिमा विभिन्न संघ संस्था, महिला अधिकारकर्मी, नगरिक समाज, पत्रकारहरुको सभागिता रहेको थियो ।