मुख्यमन्त्री  राउत टिकुलिया घाट जाँदै, डुङगा दुर्घटनास्थलको नीरिक्षण गरिने

न्यूज ब्यूरो, नेपाल | प्रदेश नं. २ का मुख्यमन्त्री मो. लालबाबू राउत रौतहटको टिकुलिया प्रस्थान गरेका छन् ।

शनिबार साँझा रौतहटको गौर नगरपालिका वडा नं. ४ स्थित बकैयाँ नदिको टिकुलिया घाटमा डुङगा (नाउ) दुर्घटना भएको खवर पाएलगत्तै नीरिक्षण सहित पीडित परिवारसँग भेटघाट गर्न टिकुलिया आउने भएको हो ।

डुङगा दुर्घटनामा परी अहिलेसम्म २ जनाको लास बरामद भएको छ भने २२ जनालाई सकुशल उद्धार गरिएपनि बाँकी बेपत्ता नै रहेको छ । दुर्घटना भएको डुङगामा उक्त दिन करिब ४० जना सबार रहेको अनुमान गरिएको छ । बाँकीको अवस्था अझै अज्ञात नै रहेको छ ।

मुख्यमन्त्री राउतले दुर्घटनामा ज्यान गुमाएका पीडित परिवारसँग भेटघाट सहित बेपत्ता रहेको परिवारसँग समेत भेटघाट गर्ने कार्यक्रम रहेको छ ।नेपाली सेना, जनपद प्रहरी र सशस्त्र प्रहरीको उद्धार टोली अहिले पनि खोजबिन जारी राखेका छन् ।

बागमति कटानको अवलोकन गर्ने

मुख्यमन्त्री मो. लालबाबू राउतले रौतहटकै राजदेवी नगरपालिका, दुर्गा भगवति गाउँपालिका र गढीमाई नगरपालिकाको बागमति नदि छेउमा रहेको बस्ती कटानको समेत अवलोकन गर्ने कार्यक्रम रहेको छ ।

बागमति नदी छेउका बस्तीहरुमा नदिको कटान बढेपछि मुख्यमन्त्री राउतले उक्त क्षेत्रको अवलोकन सहित दीर्घकालिन बचाउ व्यवस्थाको लागि पहल गर्ने अनुमान गरिएको छ ।