रेबिज लागेर सँतोषको कत्तारको अस्पतालमै मृत्यू

न्यूज ब्यूरो |
दोहा कत्तार, ३० साउन । रेबिज रोगको शिकार भएका एक नेपाली युवकको दोहा कत्तारमा उपचारको क्रमम मृत्यू भएको छ ।

वैदशिक रोजागारीको शिलशिलामा दोहा कत्तार गएका सिरहा महनौर वडा नं. ९ तथा हाल अर्नमा गाउँपालिका वडा नं. १ बस्ने सँतोष कुमार पालको रेबिज लागेर असप्तालको शैयामै मृत्यू भएको हो । दोहा कत्तारको नजात ट्रेडिङग एण्ड कन्स्ट्रक्सन नामक कम्पनीमा काम गर्दै आएका मतक पालको लागि कम्पनीले कानुनी प्रक्रियामा जुटेको बताइएको छ ।

गत जुन महिना २०१८ मै वैदेशिक रोजागरीको लागि कत्तार गएका पालको २ महिना नबित्दै अकाल मृत्यू भएपछि परिवारजन भाव्हील भएका छन् । पाल नेपालको लिंक इन्टरनेशनल प्लेसमेन्ट सर्भिस प्रा.लि. म्यानपावर नेपाल बाट यहि जून २०१८ को कतार गएको थियो उक्त कन्स्ट्रक्सन कम्पनीमा केहि दिन देखि काम गरिरहेको थियो ।

अचानक काम गरिरहेको अवस्थामा बेहोश भएपछि उसलाई तुरन्त लिएर कतार को हामाद अस्पतालमा भर्ना गराएपछि अस्पतालले दिएको रिपोर्टमा रेबिज भेटिएको थियो ।