हातहतियार मुद्दामा नेकपाका श्याम यादव पक्राउ

न्यूज ब्यूरो |
जनकपुरधाम, २९ साउन । नेकपाका नेता एवं पूर्व नेकपा माओवादीका पोलिटव्युरो सदस्य श्याम यादवलाई प्रहरीले जिप्रका भित्रैबाट पक्राउ गरेको छ ।

नेता श्याम यादवले जिल्ला प्रहरी कार्यालय धनुषामा कामबिषेशले गएको बेला नियतवश प्रहरीले समातेको हो ।

एक वर्षपुर्व जनकपुर स्थित पिडारी चोकमा भएको दुर्घटना बारे नेता यादवले चासो दिएपछी मुद्दा फाटका दुई प्रहरीले निहुँ खोज्दै रिस्वी साध्नैका लागि हातहतियार खरखजाना मुद्दा अन्तर्गत पक्राउ गरेको हो ।

यता हातहतियार तथा खरखाजाना मुद्दामा यादवलाई मंगलबार पक्राउ गरेको धनुषाका प्रहरी उपरीक्षक गोविन्द थपलियाले बताए ।

यादवलाई अहिले जिल्ला प्रहरी कार्यालय धनुषाको हिरासतमा राखिएको छ।