राज्यमन्त्री शर्माले गरे अदालतमा आत्मसमर्पण !

न्यूज ब्यूरो |
जनकपुरधाम, २८ । प्रदेश नं. २ का समाजिक विकास राज्यमन्त्री अभिराम शर्माले महोत्तरी जिल्ला अदालतमा आत्मसमर्पण गरेका छन् ।

असई थमन विकका हत्या आरोपी मन्त्री शर्माले अदालतमा आत्मसमर्पण गरेका छन् । उनी जिल्ला अदालत महोत्तरीमा सोमबार आत्मसमर्पण गरेका हुन् । आफ्ना कानुन व्यावसायी रमेश कुमार पाण्डे मार्फत निवेदन दिँदै राज्यमन्त्री शर्माले अदालतमा हाजिरी भएका छन् ।

अदालतबाट उपस्थितिका लागि जारी भएको परमादेशको सम्मान गर्दै आफु अदालत समक्ष उपस्थित भएको शर्माले प्रतिक्रिया दिएका छन् । केहिदिन अघि उच्च अदमालत जनकपुरले उनलाई पक्राउ गर्न महोत्तरी प्रहरीलाई पत्राचार गरेको थियो ।

मधेश आन्दोलनको क्रममा वि।स। २०७२ भदौ २५ गते शसस्त्र सिमा सुरक्षाबल जलसागरमा कार्यरत असइ थमन विकको आन्दोलनकारीहरुले हत्या गरेका थिए । विककको हत्यामा संलग्न रहेको राज्यमन्त्री शर्मासहित २८ जनामाथि अभियोग छ । शर्मा फरारका सूचिमा थिए । अभियुक्त शर्माले आज आत्मसमर्पण गरेका हुन् ।