पवनभन्दा कम छैनन् पवनका चेला ब्रम्हदेव यादवः जनकपुरमा आलिशान महल, गाउँमा कठ्ठाको कठ्ठा जमिन खरिद

न्यूज ब्यूरो, जनकपुरधाम । धनुषाको गिद्धाबेलापटिट् स्कूलका साधारण निमावि शिक्षक ब्रम्हदेव यादव । नोकरी भएको केही बर्षमै कित्ताको कित्ता जग्गा जोडन भ्याएँ ।

गिद्धाबेलापट्टि स्कूलमा पवन मण्डल हेडमास्टर बनेपछि उनलाई लेखापालको रुपमा चयन गरियो । निमावि शिक्षकतर्फ कार्यरत ब्रम्हदेव यादवलाई विद्यार्थीहरुबाट असुली गर्नको लागि मोहरा बनाउँदै हेडमास्टर पवन मण्डलले करोडौँको सम्पति जोडे । साथै, यही बहावमा निमावि शिक्षक ब्रम्हदेव यादवले पनि कैयौँ कित्ता जग्गा जमिन किनेको फेला परेको छ ।

धनुषा कमला नगरपालिका वडा नं. १ र ९ को बीचमा पर्ने मँगराहा निवासी चैत्तु यादवको छोरा रहेका ब्रम्हदेव यादवले श्रीमतिको नाममा कैयौँ कित्ता जग्गा नामसारी गरेको पाईएको छ । पवन मण्डलले २०७७ सालमा गरेको नामसारीकै मितिमा उनको श्रीमति अँजिला कुमारी यादवको नाममा कैयौँ कित्ता जग्गा नामसारी भएको पाईएको हो ।

ब्रम्हदेव यादवकी श्रीमति अँजिला कुमारी यादवको नाममा कमला नपा ९ मा कैयौँ कित्ता जमिन नामसारी भएको पाईएको छ । कित्ता नं. १६१५ र १६१७ बाट करिब १० कठ्ठा खडेरी (घरारी) किनेको पाईएको छ ।

मालपोत कार्यालय धनुषाको तथ्याँक अनुसार दुवै जमिन २०७७ सालमा नामसारी भएको हो । यस्तै कित्ता नं. ८४८ र ८४९ मा ३० धुर बढी घडेरी (घरारी) नामसारी भएको हो । दुवै कित्ता पनि २०७७ सालमै खरिद गरी नामसारी भएको पाईएको छ ।

यस्तै, २०८१ सालमा जनकपुरधाम उपमहानगरपालिका वडा नं. २ वकिल टोलमा ६ धुर जमिनमा आलिशान महल तयारी भईरहेको पाईएको छ । तीन तल्ले घर निर्माणकै क्रममा रहेको छ । सो घर समेत उनको श्रीमति अँजिला कुमारी यादवको नाममा रहेको छ ।