धनुषामा पैदलयात्रीलाई ठक्कर दिएर मोटरसाइकल पल्टिँदा चालकको ज्यान गयो

न्यूज ब्यूरो |

जनकपुरधाम, २८ साउन । धनुषाको मिथिला नगरपालिका–४ पुष्पलपुरमा गएराति पैदलयात्रीलाई ठक्कर दिएर मोटरसाइकल पल्टिँदा मोटरसाइकल चालकको मृत्यु भएको छ । दुर्घटनामा पैदलयात्री भने गम्भीर घाइते भएका छन् ।

मृत्यु हुनेमा सिरहाको कल्याणपुरका ३८ वर्षीय प्रेमचन्द्र कुसियत रहेको प्रहरीले जनाएको छ । उनको उपचारका लागि अस्पताल लैजाने क्रममा बाटोमै मृत्यु भएको हो ।

दुर्घटनामा घाइते भएका पैदलयात्री अन्दाजी ३० वर्षीय पुरुषको भने जनकपुर अञ्चल अस्पताल धनुषामा उपचार भइरहेको छ ।

गएराती सवा ९ बजे पैदलयात्रीलार्इ ठक्कर दिएर ज. १० प. ८०१८ नम्बरको मोटरसाइकल पल्टिएको थियो ।