जनकपुरसहित देशभरिकै यातायात कार्यालयमा दलाल निषेध, दलाल बिचौलिया पाईए हामिकलाई कारवाही

न्यूज ब्यूरो, जनकपुरधाम । देशको विभिन्न यातायात कार्यालयबाट हुँदै आएको सेवा प्रवाहको क्रममा बिचौलिया दलालहरुले दुःख दिँदै आएको गुनासोपछि सरकारले बिचौलिया निषेध गरेको छ ।

भौतिक पूर्वाधार मन्त्रालयले एक सुचना जारी गर्दै देशैभरिको यातायात कार्यालयबाट बिचौलिया, दलाल निषेध गरेको छ ।

यातायात कार्यालयबाट हुने सेवा प्रवाहको क्रममा कुनै अवाच्छित कार्य, अतिरिक्त रकम, अनियमितता गर्ने कार्यमा कडाईका साथ निषेध गरिएको सूचनामा उल्लेख छ ।

भौतिक पूर्वाधार तथा यातायात मन्त्रालयका प्रवक्ताद्धारा जारी गरिएको सूचनामा बिचौलिया, दलाल पूर्ण रुपमा निषेध गरिएको हो । अब यस्ता गतिविधि पाईएमा हाकिम नै जिम्मेवार हुने नियम प्रधानमन्त्रीकै कार्यालयबाट जारी भईसकेको छ ।