बालेन सरकार बनेको १८ घण्टाभित्रै पूर्व प्रधानमन्त्री ओली र गृहमन्त्री लेखक पक्राउ

न्यूज ब्यूरो, काठमान्डौँ । नेकपा एमालेका अध्यक्ष केपी शर्मा ओली शर्मा र पूर्व गृहमन्त्री रमेश लेखक पक्राउ परेका छन् ।

रास्वपाका वरिष्ठ नेता बालेन शाह नेतृत्वमा सरकार बनेको १८ घण्टाभित्रै पूर्वप्रधानमन्त्री केपी शर्मा ओली पक्राउ परेका हुन् । उपत्यका अपराध अनुसन्धान कार्यालयको टोलीले उनलाई निवासबाटै पक्राउ गरेको हो ।

ओली नेतृत्वमा सरकार रहेका बेला भदौ २३ र २४ गते जेनजी आन्दोलन भएको थियो । ७६ जनाको ज्यान जानेगरी भएको आन्दोलनको मुख्य दोषी ओलीलाई ठहर गरेको छ । पूर्वन्यायाधीश गौरीबहादुर कार्की नेतृत्वको आयोगको प्रतिवेदन कार्यान्वयन गर्ने सरकारले निर्णय गरेलगत्तै दोषी ठहर गरेलगत्तै ओलीलाई पक्राउ गर्न प्रहरी निवासमै पुगेको हो ।

गुन्डुमा रहेकी एमाले नेतृ रामकुमारी झाँक्रीका अनुसार राति २ बजेतिर नै प्रहरी पुगेको थियो । उनका अनुसार मन्त्रिपरिषद्को निर्णय र अत्यन्त पक्राउ पुर्जी बोकेर प्रहरी पुगेको थियो ।

उनीसँगै पूर्वगृहमन्त्री लेखक पनि पक्राउ परेका छन् । मन्त्रिपरिषदको निर्णय र कागजातसहित राति नै निवासमा पुगेको प्रहरी टोलीले लेखकलाई पक्राउ गरेको हो ।

भदौ २३ गते काठमाडौंको बानेश्वरमा भएको गोलीकान्डमा तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई दोषी ठहर गरिएको छ । पूर्वन्यायाधीश गौरीबहादुर कार्की नेतृत्वको आयोगको टोलीले दोषी ठहर गरेको हो ।

शुक्रबार रास्वपाका वरिष्ठ नेता बालेन शाहको नेतृत्वमा बनेको सरकारले तत्कालै प्रतिवेदन कार्यान्वयन गर्ने निर्णय गरेको थियो । काठमाडौं प्रहरी परिसरको टोलीले उनलाई निवासबाट पक्राउ गरेको हो । उनलाई अहिले काठमाडौं प्रहरी परिसरमा राखिने भएको छ ।