सुनचाँदीको मूल्यमा लगातार पहिरो, अब यति सस्तियो सुन

न्यूज ब्यूरो, जनकपुरधाम । नेपाली बजारमा सुनको मूल्य लगातार भारी मूल्यले घट्ने क्रम जारी छ। आइतबार तोलामा १२ हजार पाँच सय घटेको सुनको मूल्य सोमबार ६ हजार ५ सय रुपैयाँ घटेको छ। 

नेपाल सुनचाँदी व्यवसायी महासंघका अनुसार सोमबार सुनको मूल्य २ लाख ७५ हजार ५ सय रुपैयाँमा कारोबार भइरहेको छ।

आइतबार सुन २ लाख ८२ हजार रुपैयाँमा कारोबार भएको थियो। एक हप्ताको अवधिमा सुनको मूल्य ३४ हजार रुपैयाँ घटेको छ।

यस्तै, सोमबार चाँदीको मूल्य पनि घटेको छ। चाँदी तोलामा एक सय १५ रुपैयाँ घटेर चार हजार चार सय २५ मा कारोबार भइरहेको छ। 

आइतबार चाँदी चार हजार पाँच सय ४० रुपैयाँमा कारोबार भएको थियो।