Viral Video: सर्लाहीमा युवकलाई नाङ्गै बनाएर कुटपिट गर्ने युवक पक्राउ

न्यूज ब्यूरो, सर्लाही । समाजिक सँजालमा भाईरल बनेको एक भिडियोमा कुटपिटको घटनामा एक युवकलाई प्रहरीले पक्राउ गरेको छ ।

समाजिक सँजालमा भाईरल बनेको भिडियो केही दिन अगाडीकै रहेको भएपनि समाजिक सँजालमा भाईरल बनेपछि नेपाल प्रहरी एक्सनमा आएको थियो । सर्लाही प्रहरीले जाहेरीको आधारमा एक घटनामा संलग्न एक युवकलाई पक्राउ गरेको हो ।

घटना सर्लाहीको कबिलासी नगरपालिका वडा नं. १० स्थित रहेको चमेलीमाई मन्दिर पछाडि रहेको सरकारी जीम पार्कमा कुटपिट घटनामा संलग्न रहेको आरोपमा पक्राउ गरिएको सर्लाही प्रहरीले जनाएको छ । एक युवकलाई नाङ्गै बनाएर सामूहिक रूपमा कुटपिट गरिएको घटना आरोपमा पक्राउ गरिएको हो ।

फोनमा गालीगलौज भएको विषयलाई लिएर कुटपिटको घटना भएको सर्लाही प्रहरी प्रवक्ता सरोज राईले जानकारी दिए । गत फागुन २३ गते दिउँसो करिब ४ बजे केही युवाको समूहले सर्लाहीका एक युवकलाई चमेलीमाई मन्दिर नजिक रहेको फन पार्कमा लगेर दाउरोको चिरपटोले कुटपिट गरेका थिए। कुटपिटका क्रममा ती युवाहरूले पीडितलाई नाङ्गै बनाएर अमानवीय व्यवहारसमेत गरेको प्रहरीले जाहेरीलाई उदृत गरे ।

घटनापछि पीडित राजेन कुमार यादवले रोहितकुमार यादवसहितका व्यक्तिविरुद्ध ज्यान मार्ने उद्योग, अपमानजनक तथा अमानवीय व्यवहार तथा कुटपिट गरी अंगभंग गर्ने सम्बन्धी मुद्दामा फागुन २९ गते जिल्ला प्रहरी कार्यालय सर्लाहीमा जाहेरी दिएका थिए।

जाहेरीका आधारमा प्रहरीले आरोपितमध्ये रोहितकुमार यादवलाई पक्राउ गरेको प्रहरीले जनाएको छ । समाजिक सँजालमा व्यापक विरोध भएपछि प्रहरीले पक्राउ गरेको हो । पक्राउ परेका यादवलाई सर्लाही जिल्ला अदालतबाट पाँच दिनको म्याद थप गरी थप अनुसन्धान भइरहेको प्रहरीले जनाएको छ।

घटनामा संलग्न अन्य व्यक्तिहरूको खोजी कार्य जारी रहेको प्रहरीले जनाएको छ । उनीहरु फरार रहेको प्रहरीको भनाई छ ।